AHMEDABAD માં ફિલ્મી સ્ટાઇલે હત્યા, ગાડીથી ટક્કર મારી બુલેટનું પડીકુ વાળી દીધું, પછી ગોળી ધરબી દીધી

જન્મદિવસની પાર્ટીમાં મિત્રો વચ્ચે બોલાચાલી લોહિયાળ બની
ઘટના અંગે મળતી માહિતી અનુસાર જન્મદિવસની પાર્ટીમાં મિત્રો વચ્ચે કોઇ બોલાચાલી થઇ હતી. ત્યાર બાદ અદાવત રાખીને આ સમગ્ર ઘટનાને અંજામ આપવામાં આવ્યું છે. વસ્ત્રાલના કર્ણાવટી રોડ પરથી ત્રણ યુવકો બુલેટ બાઇક પર પસાર થઇ રહ્યા હતા. દરમિયાન અચાનક જ આવેલી એક કારે બુલેટને ટક્કર મારી હતી. યુવકોને અટકાવવા માટેનો પ્રયાસ કર્યો હતો. જોતજોતામાં કારમાં આવેલા વ્યક્તિએ ફાયરિંગ કરતા અફડા તફડી મચી હતી. ફાયરિંગ કરીને હત્યા કરીને ફરાર થઇ ગયા હતા.

ગાડીને એવી જોરદાર ટક્કર મારી કે પડીકુ વળી ગયું
ઘટનાને પગલે આસપાસના વિસ્તારમાં સોપો પડી ગયો હતો. જો કે પ્રાથમિક રીતે એવું લાગી રહ્યું છે કે, અકસ્માત છે.જેમાં ગાડીએ બુલેટને અડફેટે લીધું હતું. જો કે ખુન્નસથી ભરેલા આ લોકોએ એવી ટક્કર મારી હતી કે, બુલેટનું પડીકુ વળી ગયું હતું. જો કે તે વ્યક્તિ મર્યો નહી અને તેના કારણે ગાડીમાં આવેલા શખ્સોએ ફાયરિંગ કર્યું અને તેને ઢાળી દીધો હતો. હાલ તો પોલીસ આસપાસના સીસીટીવી સહિતની સામગ્રી એકત્રી કરીને તપાસ ચલાવી રહી છે.