મહેસાણાના વણોદમાં CMR કંપનીમાં ભીષણ આગ, ફાયર વિભાગ મોડુ પહોંચતા કરોડોનું નુકસાન

નગરપાલિકાના ફાયર વિભાગની બેદરકારીના કારણે કંપનીને ભારે નુકસાન
નગરપાલિકાના ફાયરબ્રિગેડની સહાય ન મળ્યાનો પણ આક્ષેપ પણ ફેક્ટરીના માલિક દ્વારા દાવો કરવામાં આવ્યો છે. જો કે સદભાગ્યે કોઇ પણ પ્રકારે જાનહાનીના સમાચાર સામે નથી આવ્યા. CMR કંપનીમાં આગ લાગતા તમામ સામાન બળીને ખાખ થઈ ગયો છે.

આગ લાગવા અંગેનું કારણ હજી સુધી નથી મળ્યું
નગરપાલિકાના ફાયરબ્રિગેડની સહાય ન મળતા કંપનીનો તમામ સામાન બળીને ખાખ થયાનો અને તેના કારણે કંપનીને ભારે નુકસાન ઉઠાવવું પડ્યું હોવાનો આક્ષેપ ફેક્ટરી સંચાલકો દ્વારા કરવામાં આવ્યો છે. આગ લાગવા અંગે કારણ જાણવા મળ્યું નથી. જે ભીષણ આગના અને તેના ધુમાડા ગોટે ગોટા દૂર દૂર દેખાતા લોકોના ટોળે ટોળા એકઠા થયા હતા.