Surat માં કારના શો રૂમમાં વિકરાળ આગ, કરોડોના નુકસાનની આશંકા

ઉધના વિસ્તારમાં હ્યુન્ડાઇ કંપનીના શોરૂમમાં આગ
સુરતના ઉધના વિસ્તારના હ્યુન્ડાઇ કંપનીના કારના શો રૂમમાં ભીષણ આગ લાગતા આસપાસના વિસ્તારમાં નાસભાગ મચી ગઇ હતી. શોરૂમમાં રહેલા નવા વાહનોમાં આગ લાગી છે. જેના પગલે આજુબાજુના વિસ્તારોને ફાયર દ્વારા ખાલી કરાવવામાં આવ્યો હતો. સુરત ફાયર વિભાગનો મોટો કાફલો ઘટનાસ્થળે પહોંચ્યો છે. આગમાં શોરૂમમાં રહેલી અનેક કાર બળીને ખાખ થઇ ગઇ હોવાનું પ્રાથમિક તારણ છે.

#WATCH | Gujarat: A massive fire broke out at a car showroom in Surat's Udhna area. Fire tenders present at the spot. More details awaited. pic.twitter.com/pPXLWfR2gf

— ANI (@ANI) January 26, 2023

ધુમાડાના વિકરાળ ગોટેગોટા ઉડતા આસપાસ ભયનો માહોલ
આગની ઘટનાને પગલે કોઈ જાનહાનીની વિગતો જો કે હજી સુધી પ્રાપ્ત થઇ નથી. ધુમાડાના વિકરાળ ગોટેગોટા ઉડી રહ્યા હતા. ઉપરાંત પવન હોવાના કારણે આગ આસપાસના શોરૂમમાં પણ ન લાગે તે માટે ફાયર બ્રિગેડ દ્વારા પ્રયાસો કરવામાં આવી રહ્યા છે. આગમાં મોટા પ્રમાણમાં ગાડીઓ બળીને ખાખ થઇ જવાના કારણે કરોડોનાં નુકસાનની ભીતી પણ સેવાઇ રહી છે.