આનંદો… ખેડૂતોને વીજ લોડ વધારાની અરજી બાદ વસૂલાતી ફિક્સ ચાર્જની રકમમાંથી મળી મુક્તિ

રાજ્ય સરકારે કૃષિ વીજ જોડાણો બાદ ફિક્સ કનેક્શન ચાર્જમાંથી મુક્તિ આપવામાં આવી છે. ખેડૂતોની લોડ વધારાની અરજી બાદ વસૂલાતી ફિક્સ ચાર્જની રકમમાંથી મુક્તિ આપવામાં આવી છે. સાથે જ સ્વૈચ્છિક જાહેરાત યોજનાની સમય મર્યાદામાં પણ વધારો કરાયો છે. સરકારે કહ્યું છે કે લોડ વધારાની અરજી બાદ માત્ર ડિપોઝીટ ચુકવવાની રહેશે. ખેતીના વીજ કનેક્શનો ધરાવનારને આ નિર્ણયથી સારો લાભ મળશે. નિયમ પ્રમાણે સ્થળ પર પૈસા ભરી લોડ વધારી આપવામાં આવશે.

ખેડૂતોને મોટી રાહત
રાજ્યના ખેડૂતો માટે રાહતકારી નિર્ણય લેતા જગતના તાતમાં ખુશીની લાગણી છવાઈ છે.  ખેડૂતોને સ્થળ પર પૈસા ભરી લોડ વધારી અપાશે. અને લોડ વધારવા બાબતનો ચાર્જ વીજ કંપની ભોગવશે.