સાસુ-સસરાથી છૂટા રહેવાની જીદ પૂરી ન થતા પત્નીએ ભરણપોષણ સાથે ડિવોર્સ માગ્યા, ફેમિલી કોર્ટે ફગાવી અરજી

Ahmedabad News: ફેમિલી કોર્ટમાં પતિ અને પત્ની વચ્ચે ડિવોર્સ અને ભરણપોષણનો એક ચોંકાવનારો કેસ સામે આવ્યો હતો. જેમાં સાસુ-સસરાથી અલગ રહેવાની જીદ પતિએ પૂરી ન કરતા પત્નીએ ફેમિલી કોર્ટમાં ડિવોર્સની અરજી કરી હતી અને ભરણપોષણની માગણી કરી હતી. ત્યારે ફેમિલી કોર્ટે તમામ મુદ્દાઓને ધ્યાનમાં લઈને પોતાના અવલોકનમાં નોંધ્યું હતું કે, પત્ની પોતાની જીદ પૂરી કરવા પતિને માતા-પિતાથી અલગ રહેવા જીદ ન કરી શકે. પરિવારથી પતિને અલગ પાડવાને ક્રૂરતા ગણાવી કોર્ટે નોંધ્યું કે, પતિની મિલકતમાં ભાગ લેવા માટે પત્નીએ સાસુ-સસરાની સેવા કરવી પડે. આ સાથે કોર્ટે પત્નીની ડિવોર્સની અરજીને ફગાવી દીધી હતી.