2017ની વિષમ પરિસ્થિતિમાં કઈ રીતે સાચા પડ્યા હતા Exit Poll

કોણે આપ્યા સટિક એક્ઝિટ પોલ
આપણે વાત કરીએ 2017ની ગુજરાત વિધાનસભા ચૂંટણીની તો તે ચૂંટણીમાં ભાજપને 99 કોંગ્રેસને 77 બેઠકો મળી હતી. ઉપરાંત 3 અપક્ષ અને બીટીપીને 2 બેઠક મળી હતી. આ સાથે જ એનસીપીએ એક બેઠક પર જીત હાંસલ કરી હતી. એક્ઝિટ પોલમાં ગત વખતે બે પોલ એવા હતા જે મતગણતરી વખતે આવેલા પરિણામની સાવ નજીક હતા. ઈન્ડિયા ટુડે એક્ઝિટ પોલ અને ઝી ન્યૂઝ એક્સિસ પોલ તે બંને પોલ ઘણા જ સટિક રીતે સામે આવ્યા હતા. જે તે સમયે બંને પોલમાં ભાજપ 99થી 113 બેઠક મેળવતી હતી, કોંગ્રેસ 68થી 82 બેઠકો પર જીતે તેવી સંભાવનાઓ વ્યક્ત કરાઈ હતી. તે સમયે ઈન્ડિયા ટુડેનો એક્ઝિટ પોલ ઘણો ખરો સચોટ હતો. તે પોલ પ્રમાણે અન્યના ખાતે પણ 1થી 4 બેઠકો આવતી હતી.

શું હોય એક્ઝિટ પોલ
ઉલ્લેખનીય છે કે ચૂંટણીમાં મતદાન કર્યા પછી કરવામાં આવતા સર્વેના ચિતારને એક્ઝિટ પોલ કહેવાય છે. તેનાથી પરિણામ કેવું હશે તેનો એક અંદાજ લગાવાતો હોય છે. ગુજરાતમાં અગાઉ એક્ઝિટ પોલની ભવિષ્યવાણી ઘણી ખરી સાચી સાબિત થઈ હતી. હવે આગામી ચૂંટણીમાં કેવું ચિત્ર સામે આવે છે તે જોવું રહ્યું.