SURAT માં ઇલેક્ટ્રિક સ્કુટરની બેટરીમાં વિસ્ફોટ, ચાર લોકો ઘાયલ

ઇલેક્ટ્રિક મોપેડ શરૂ નહી થતા બેટરી કાઢીને દુકાનમાં મુકી હતી
આ અંગે મળતી માહિતી અનુસાર ઇલેક્ટ્રિક મોપેડ શરૂ ન થતું હોવાના કારણે બેટરી કાઢીને દુકાનમાં મુકી હતી. દુકાનમાં મુકેલી બેટરીમાં બ્લાસ્ટ થતા ભાગદોડ મચી ગઇ હતી. અચાનક એકાએક વિસ્ફોટો થતા સ્થાનિક લોકોમાં ભયનો માહોલ ફેલાયો છે. ઇજાગ્રસ્ત યુવકને સારવાર માટે સુરતની નવી સિવિલ હોસ્પિટલ ખસેડવામાં આવ્યા છે. બ્લાસ્ટના સમાચાર પ્રસરતા આસપાસના લોકોમાં નાસભાગ મચી હતી.

બ્લાસ્ટમાં એક વ્યક્તિને ગંભીર ઇજા પહોંચી
બ્લાસ્ટમાં એક વ્યક્તિને ગંભીર ઇજા પહોંચી હતી. જ્યારે ત્રણ લોકોને સામાન્ય ઇજા પહોંચી હતી. અત્રે ઉલ્લેખનીય છે કે, મોબાઇલમાં થતા બ્લાસ્ટની ઘટના બાદ હવે ઇલેક્ટ્રીક વાહનોમાં પણ બ્લાસ્ટની ઘટનાઓ બને છે. જ્યારે અગાઉ OLA ના સ્કુટરમાં પણ આગ લાગવાની ઘટનાઓ સામે આવી ચુકી છે.