હિંદુ નામ રાખીને યુવતી પર દુષ્કર્મ, સુરતમાં 1 મહિનામાં 3 યુવતીઓને ભગાડી

જો કે યુવકે પોતાનું નામ અશોક જણાવ્યું હતું. ધીરે ધીરે પરીચય ગાઢ થતા યુવકે ઇન્દિરાનગરમાં પોતાના ભાડાના મકાનમાં યુવતીને મળવા બોલાવી હતી. સામાન્ય વાતચીત બાદ શરીર સબંધ બાંધવા કહ્યું હતું ત્યારે તેને ના કહેતા આ શખ્સે બળજબરીથી દુષ્કર્મ આચર્યું હતું. ઘટનાની પરિવારને જાણ થતાં અંતે એ ડિવિઝન પોલીસ સ્ટેશનમાં આ અંગે ફરિયાદ કરી હતી. હાલ તો પોલીસે આરોપીને ઝડપી કાયદેસર કાર્યવાહી હાથ ધરી છે.

બીજી બાજુ સુરતના કતારગામ વિસ્તારમાં એક જ મહિનામાં ત્રણ યુવતીઓને વિધર્મીઓ ભગાડી ગયા હોવાનો ઘટસ્ફોટ થયો છે. જેના પગલે કતારગામ વિસ્તારમાં લવ જેહાદને લઈ વિરોધ કરાયો હતો. કતારગામમાં બાપા સીતારામ ચોક ખાતે લોકોએ એકઠા થઈ ઘટનાનો વિરોધ કર્યો હતો. લોકોએ સૂત્રોચ્ચાર અને બેનરો સાથે પોતાનો આક્રોશ ઠાલવ્યો હતો. આ અંગે સરકાર અને તંત્ર જાગે તેવી માંગ કરી હતી.