હવે CCTV કેમેરાની બાજ નજર કરશે નાગરિકોની સુરક્ષા, 8 શહેરોમાં સોમવારથી નવા નિયમો લાગૂ

ગુનાહિત પ્રવૃતિ અટકાવવા મોટો નિર્ણય
અત્યારે શહેરીકરણનો વ્યાપ વધતા ગુજરાતમાં વાણિજ્યીક અને ઔદ્યોગિક સંસ્થાઓ, ધાર્મિક સ્થળો, શૈક્ષણિક સંસ્થાઓ, હોસ્પિટલ, રમત-ગમત સંકુલો તથા રેલ્વે સ્ટેશન, બસ સ્ટેશન અને જ્યાં-જ્યાં વધુ પ્રમાણમાં લોકો એકત્રીત થતા હોય તેવા સ્થળોએ નાગરિકોની સુરક્ષા સામેના જોખમો નિવારવા તથા ગુનાની સંભાવનાઓ અટકાવવા માટે CCTV કેમેરા લગાડવાનો નિર્ણય કરાયો છે.

PSI કે અન્ય અધિકારી CCTV માગી શકશે
પી.એસ.આઇ કે તેથી ઉપરની કક્ષાના અધિકારીઓ ગુનાહિત પ્રવૃત્તિની તપાસ માટે વીડિયો ફૂટેજ માંગી શકશે. આના સરળતાથી અમલીકરણ માટે જિલ્લા મેજિસ્ટ્રેટ દ્વારા જાહેર સલામતી સમિતિની રચના કરાશે. નાયબ પોલીસ અધિક્ષકથી ઉપરની કક્ષાના ના હોય તેવા અધિકારીઓ સભ્ય સચિવ રહેશે. નાયબ મ્યુનિસિપલ કમિશનર સમિતીના સભ્ય રહેશે તેમજ જે વિસ્તારને અધિનિયમની જોગવાઇ લાગુ પડતી હોય તે વિસ્તારમાં આવેલા એકમોના એસોસિયેશનના ૩ કરતા વધુ ન હોય એટલા પ્રતિનિધિઓ પણ સમિતિના સભ્ય રહેશે તથા તેમની નિયુક્તિનો વધુમાં વધુ સમયગાળો બે વર્ષનો રહેશે.