માતાનાં ખોળામાં સૂતેલા બાળકને દીપડો ઉઠાવી ગયો, જંગલમાં મૃતદેહ મળી આવતા ચકચાર મચી ગઈ

પંચમહાલ જિલ્લાના ઘોઘંબામાં એક કરૂણ ઘટના સામે આવી છે. અહીં રાત્રીના સમયે દીપડો 8 મહિનાનાં બાળકને માતાનાં ખોળામાંથી ઝૂંટવી જંગલમાં લઈ ગયો હતો. ત્યારપછી માતાએ બાળકને બચાવવા માટે દીપડાની પાછળ જંગલ તરફ દોટ મૂકતા ભાવુક દ્રશ્યો સર્જાયા હતા. જોકે ઘણી મહેનત પછી પણ તેની કોઈ માહિતી ન મળતા માતાએ સ્થાનિકોની સહાયથી બીજા દિવસે વહેલી સવારે વન વિભાગને જાણ કરી અને પછી અધિકારીઓએ પેટ્રોલિંગ શરૂ કર્યું હતું.