હાથી, ઘોડા નહીં… સૌરાષ્ટ્રની શાન છકડામાં નીકળી જાન, VIDEOમાં જુઓ વરરાજાની ઠાઠ

વરરાજા સૌરાષ્ટ્રની શાનમાં જાન લઈને પહોંચ્યા
દેવભૂમી દ્વારકાના ખંભાળિયા તાલુકાના કોઠા વિસોત્રી ગામમાં ગોજીયા પરિવારના આંગણે લગ્નની શરણાઈઓ ગૂંજી રહી હતી. જેમાં રાત્રે રાસ-દાંડીયા બાદ બીજા દિવસે જાન નીકળી હતી. ત્યારે વરરાજાએ હાથી, ઘોડા કે કારની જગ્યાએ સૌરાષ્ટ્રની શાન એવા છકડામાં જાન નીકાળી હતી. જાનમાં એક, બે નહીં 10 જેટલા છકડા એક લાઈનમાં નીકળ્યા હતા. ત્યારે વરરાજાનો આવો ઠાઠ જોઈને ગામલોકો પણ જોતા રહી ગયા હતા.

આ પણ વાંચો: દીકરીના લગ્નના આગલે દિવસે જ પિતાએ કર્યો આપઘાત, લગ્નનો માહોલ માતમમાં ફેરવાયો

જામખંભાળિયા વરરાજાની ધમાકેદાર એન્ટ્રી

દેવભૂમિ દ્વારકામાં હાથીની અંબાળી કે કાઢીયાવાડી ઘોડા તથા રંગબેરંગી કાર નહિ પરંતુ સૌરાષ્ટ્રની શાન ગણાતા છકડામાં વરરાજાએ એન્ટ્રી મારી હતી.#Dwarka #GTVideo #WeddingVideo pic.twitter.com/FifvvAEWw8

— Gujarat Tak (@GujaratTak) February 13, 2023

અગાઉ JCBમાં જાન નીકળી હતી
નોંધનીય છે કે, હાલમાં લગ્નની સીઝનમાં વરરાજા અલગ-અલગ અંદાજમાં જાન લઈને જતા હોવાના કારણે ચર્ચામાં આવતા હોય છે. તાજેતરમાં જ નવસારીમાં પણ એક લગ્નમાં વરરાજા JCBમાં બેસીને પરણવા માટે પહોંચ્યા હતા. જે બાદ આ વરરાજાના લગ્ન ચર્ચામાં આવી ગયા હતા. પંજાબના એક લગ્નમાં JCBમાં વરરાજાની એન્ટ્રી થતા જોઈ યુવકને પણ પોતાના લગ્નમાં આ રીતે એન્ટ્રી કરવાનો વિચાર આવ્યો હતો.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…