અંબાજી મંદિરમાં હવે પોલીમર બોક્સમાં મળશે માઇ ભક્તોને પ્રસાદ, ભાવમાં પણ થયો ઘટાડો

ત્રણ પ્રકારના બોક્સમાં પ્રસાદ મળે છે
અંબાજી મંદિરમાં પ્રસાદ ત્રણ પ્રકારના પેકિંગમાં મળતો હતો. જેમાં 15, 25 અને 50 રૂપિયાના પેકેટ હતા. જોકે કાગળના ભાવ વધતા પ્રસાદનો ભાવ વધારીને 18, 28 અને 52 રૂપિયા કરાયા હતા. હવે પોલિમર પેકેટનું સસ્તું પડતું હોવાથી પ્રસાદના ભાવ ઘટાડીને ફરી 25 રૂપિયા કરી દેવાયા છે. જોકે રૂ.18 વાળું બોક્સ હજુ થોડો સમય સુધી મળતું રહેશે. 100 ગ્રામનું આ પોલિમર બોક્સ રિસાઈક્લિંગ હોવાથી પર્યાવરણને પણ કોઈ નુકસાન નહીં થાય.

માત્ર રૂ.25માં પોલીમર બોક્સમાં પ્રસાદ મળશે
કાગળના બોક્સ કરતા પોલીમર બોક્સ ખુબજ સુંદર દેખાય છે. આ સિવાય અંબાજી મંદિર ખાતે ફરાળી ચીકીનો પ્રસાદ પણ આપવામા આવે છે. આ અંગ અંબાજી મંદિર ટ્રસ્ટના વહીવટદાર આર.કે પટેલે જણાવ્યું હતું કે, ફૂડગ્રેઈન્સમાંથી બનેલું આ પોલીમર બોક્સ લાંબું ચાલે તેવું ટકાઉં પણ છે. હાલમાં રૂ.25ના પ્રસાદમાં આ બોક્સ મળશે. જ્યારે રૂ.18વાળા પ્રસાદમાં કાગળનું બોક્સ થોડો સમય ચાલું રહેશે. આગળ સૂચના મળશે તો તેને પણ પોલીમર બોક્સમાં આપવામાં આવશે.