ગુજરાતના આ મંદિરમાં નીકળી કેદારનાથ-ઉજ્જૈન જેવી મહાદેવની અનોખી પાલખી યાત્રા, જુઓ વીડિયો

ચાર કલાકમાં 20 હજાર ભક્તોએ મહાદેવના દર્શન કર્યા
શ્રાવણ માસના આજે બીજા સોમવારે સોમનાથ મહાદેવના દર્શન માટે સવારે 4 વાગ્યાથી ભક્તો ઉમટ્યા હતા. સવારે 4થી 8 વાગ્યા સુધીમાં જ 20 હજારથી વધારે લોકોએ દાદાના દર્શન કરીને ધન્યતા અનુભવી હતી. જીતુ વાઘાણીએ મંદિરમાં ધ્વજારોહણ કર્યું હતું, તથા તમામ ઉપસ્થિત મંત્રીઓએ મહાદેવની પાલખીને ખેંચી હતી.

નોંધનીય છે કે, શ્રાવણ માસમાં દર સોમવારે આ પ્રકારે મહાદેવની પાલખી યાત્રાનું આયોજન કરવામાં આવે છે, મંદિર પરિસરમાં જ પાલખી યાત્રાનું આયોજન કરાયું હતું, જેમાં અન્ય શ્રદ્ધાળુઓ પણ જોડાયા હતા અને ભગવાન પર પુષ્પવર્ષા કરીને તેનો લહાવો લીધો હતો.