BSFએ જખૌ કિનારેથી એક કિલો ચરસ જપ્ત: બિનવારસી હાલતમાં મળ્યું ચરસ

ચરસના પેકેટ પર ‘અફઘાન પ્રોડક્ટ’ લખેલું

બીએસએફના અધિકારીઓએ જણાવ્યું કે લુના બેટ જખૌ તટથી લગભગ 12 કિલોમીટર દૂર છે. બીએસએફની ટુકડી ગુરુવારે દરિયાકાંઠે પેટ્રોલિંગ કરી રહી હતી ત્યારે તેમને લુના બેટમાંથી એક શંકાસ્પદ પેકેટ મળ્યું હતું. જ્યારે પેકેટ ખોલવામાં આવ્યું તો તેમાં ચરસ ભરેલું જણાયું હતું.

જન્મ દિવસે હાર્ટ એટેકઃ રાજકોટની મહિલાને હૃદયરોગનો હુમલો 

ચરસના પેકેટ પર “અફઘાન પ્રોડક્ટ” લખેલું હતું. આ પેકેટ અગાઉ રિકવર થયેલા ચરસ પેકેટ જેવું જ છે. એપ્રિલ 2023 ના મધ્યથી અત્યાર સુધીમાં, જખૌ કિનારેથી આવી રીતે ચરસના 30 પેકેટ મળી આવ્યા છે. ચરસ મળી આવ્યા બાદ બીએસએફે પોલીસને જાણ કરી છે. પોલીસે કેસ નોંધીને તપાસ શરૂ કરી છે. બીએસએફ દ્વારા જખૌ કાંઠાના જુદા જુદા વિસ્તારોમાં સઘન સર્ચ ઓપરેશન ચલાવવામાં આવી રહ્યું છે. બીએસએફનું કહેવું છે કે તે તસ્કરોને કોઈપણ કિંમતે રોકવા માટે મક્કમ છે.

(ઈનપુટઃ કૌશિક કાંટેચા, કચ્છ)