‘તમે તમારી નહીં વડાપ્રધાન નરેન્દ્ર મોદીની તાકાતથી જીત્યા છો’, CR પાટીલે જાહેર સ્ટેજથી MLAને કરી ટકોર

સ્ટેજ પરથી ધારાસભ્યોને પાટીલની ટકોર

ભાજપના સ્નેહમિલન કાર્યક્રમમાં સ્ટેજ પરથી સી.આર પાટીલે કહ્યું કે, તમે ભલે 65 હજાર મતે જીત્યા પણ એ તમારી નહીં વડાપ્રધાન નરેન્દ્ર મોદીની તાકાતથી જીત્યા છો. જો તમને તમારી જીત પર ઘમંડ આવશે તો તમારા પગલાં પણ પાછા આવશે. લોકસભા ચૂંટણી પહેલા પાટીલની જાહેર પ્રવચનમાં વઢવાણ ધારાસભ્ય જગદીશ મકવાણા, ધારાસભ્ય પ્રકાશ વરમોરા અને પી.કે.પરમારને ટકોર કરી હતી. આ સાથે તેમણે દાવો કર્યો હતો કે, ગુજરાત ભાજપમાં કાર્યકરોને મેરીટ પર સ્થાન મળે છે. ભાજપમાં નેતાઓની પછેડી પકડી પાછળ આવનારને નહીં પણ કામ કરનારને તક સાથે પદ આપવામાં આવે છે.

બીજી તરફ ખેડાના કપડવંજમાં પણ ભાજપના સ્નેહમિલન કાર્યક્રમનું આયોજન કરાયું હતું. જેમાં કોંગ્રેસના 150 જેટલા કાર્યકરો સહિત 400 લોકો ભાજપમાં જોડાયા હતા. ભાજપ નેતા ગોરધન ઝડફિયાની હાજરીમાં કોંગ્રેસના 150 જેટલા કાર્યકરોએ પક્ષ સાથે છેડો ફોીને કેસરીયો ધારણ કર્યો હતો.

(ઈનપુટ: સાજીદ બેલિમ, સુરેન્દ્રનગર)