કલોલ તાલુકા પંચાયતની ચૂંટણીમાં મતદાન કરવા જઈ રહેલા કોંગ્રેસના સભ્યોને પોલીસ ઉઠાવી ગઈ!

શક્તિસિંહ ગોહિલે ટ્વીટ કરીને વીડિયો પોસ્ટ કર્યો

કલોલમાં તાલુકા પંચાયતની ચૂંટણીમાં સભ્યોને ઉઠાવી લેવા મામલે કોંગ્રેસના શક્તિસિંહ ગોહિલે ટ્વીટ કર્યું છે, કલોલમાં તાલુકા પંચાયતના કોંગ્રેસના સદસ્યોને પોલીસ ઉતારીને ઉઠાવીને લઈ જઈ રહી છે કારણ કે કોંગ્રેસ પાસે બહુમતી છે. આજે વોટિંગ છે. જોઈ લો વીડિયો. તાલુકા અને જિલ્લા પંચાયતના અધ્યક્ષ અને ઉપાધ્યક્ષને ચૂંટણીમાં પોલીસ કાલ રાતથી કોંગ્રેસના સદસ્યોને પરેશાન કરી રહી છે. મુખ્યમંત્રીજી જો આ હરકત બંધ ન થઈ તો આજે રાષ્ટ્રપતિ ગાંધીનગરમાં છે, તેમને આવેદન આપીશું. કલોલના સદસ્યો હોય કે સીહોરના તેમને પોલીસ કેમ પરેશાન કરી રહી છે?

कलोल के तालुक़ा पंचायत के कांग्रेस सदस्यों को पुलिस उतारकर उठाकर ले जा रही है क्योंकि बहुमत कांग्रेस के पास है । आज वोटिंग है । देखो वीडियो । तालुक़ा और ज़िला पंचायत के अध्यक्ष और उपाध्यक्ष के चुनाव में पुलिस कल रात से कांग्रेस सदस्यों को परेशान कर रही है । @Bhupendrapbjp जी अगर… pic.twitter.com/lXhVK30CWz

— Shaktisinh Gohil MP (@shaktisinhgohil) September 13, 2023

ગૃહની કાર્યવાહીથી કોંગ્રેસ અળગી રહી

આજે કલોલના કોંગ્રેસના તાલુકા પંચાયતના સભ્યોને પોલીસ દ્વારા અટકાયત કરવામાં આવતા કોંગ્રેસ દ્વારા વિધાનસભા ગૃહની કાર્યવાહીથી અળગા રહીને પ્રતિકાત્મક વિરોધ કરવામાં આવ્યો હતો. આ અંગે પ્રતિક્રિયા આપતા સરકારના પ્રવક્તા મંત્રી ઋષિકેશ પટેલે કહ્યું હતું કે, આજનો દિવસ ગુજરાત વિધાનસભાનો ખૂબ ગૌરવ ભર્યો દિવસ હતો. આજે ઈ-વિધાનસભાનું મહામહિમ રાષ્ટ્રપતિ દ્વારા લોન્ચિંગ કરવામાં આવ્યું અને અગાઉથી જ આ અંગે અધ્યક્ષ દ્વારા રાષ્ટ્રપતિનું સન્માન કરવા માટે કોંગ્રેસ અને આપના ધારાસભ્યોને આમંત્રણ આપવામાં આવ્યું હતું. પરંતુ કોંગ્રેસની કાયમની આ રીત છે કે ગુજરાતનું ગૌરવ કે મહિમા થતો હોય ત્યારે ગૌરવ ખંડન કરવું અને આજે વધુ એકવાર કોંગ્રેસે ગુજરાતના ગૌરવનું ગૌરવ ખંડન કર્યું છે.

ગુજરાતની ભાજપ સરકાર લોકશાહી ખતમ કરી સરમુખત્યારશાહી કરી સત્તા પચાવી પાડવા પોલીસનો દુરુપયોગ કરી રહી છે.
ગાંધીનગર જિલ્લાની કલોલ તાલુકા પંચાયત કોંગ્રેસ પાસે થી છીનવી લેવા @INCGujarat ના ચૂંટાયેલા સભ્યો આજે મતદાન ન કરી શકે તે માટે રસ્તા માથી પોલીસ દ્વારા અપહરણ કરવા મુદ્દે પ્રેસ… pic.twitter.com/t9kKHrkZ76

— Amit Chavda (@AmitChavdaINC) September 13, 2023

(ઈનપુટ: દુર્ગેશ મહેતા, ગાંધીનગર)