પોલીસ જ બની બુટલેગર! છોટા ઉદેપુરમાં દારૂની હેરાફેરી કરતા પોલીસકર્મીને પોલીસે જ પકડ્યો

બુટલેગર સાથે પોલીસકર્મીએ દારૂની હેરાફેરી કરી

વિગતો મુજબ, છોટા ઉદેપુરના નસવાડીમાં પોલીસ દ્વારા વિદેશી દારૂની હેરાફેરી કરતા બે લોકોને ઝડપી પાડવામાં આવ્યા હતા. પોલીસે આરોપીઓ વિશે તપાસ કરતા વિદેશી દારૂની હેરાફેરી કરનાર બીજું કોઈ નહીં પરંતુ નડિયાદ SRP ગ્રુપમાં ફરજ બજાવતા પોલીસકર્મી મહિપાલ સિંહ જાડેજા હોવાનું સામે આવ્યું છે. પોલીસકર્મી સાથે બુટલેગર દીપકસિંહ સોલંકી હતો, તેની પણ ધરપકડ કરવામાં આવી છે.

કારમાંથી 1 લાખથી વધુનો દારૂ મળ્યો

પોલીસને કારમાંથી રૂ. 1 લાખની કિંમતની દારૂની 238 બોટલ મળી આવી હતી. જે બાદ પોલીસે પોલીસ કોન્સ્ટેબલ તથા તેની સાથે રહેલા બુટલેગરની ધરપકડ કરી હતી અને રૂ.4 લાખથી વધુનો મુદ્દામાલ જપ્ત કરી લીધો હતો. ખુદ પોલીસકર્મી જ દારૂ સાથે પકડાતા પોલીસ બેડામાં પણ ભળભળાટ મચી ગયો છે.

(ઈનપુટ: નરેન્દ્ર પેપરવાલા, છોટા ઉદેપુર)