પાણી સામે આવો સાહસ ન કરતા, નવસારીમાં ડ્રાઈવરની બેદકારીથી 4 લોકો મોતના મુખમાં જતા બચ્યા

જલાલપુરમાં મંદિર ગામ રેલવે અંડરપાસમાં ભારે વરસાદના કારણે પાણી ભરાઈ ગયા હતા. જોકે તેમ છતાં કાર ચાલક દ્વારા જીવ જોખમમાં મૂકીને ત્યાંથી જવાનો પ્રયાસ કરવામાં આવ્યો. જેમાં કારમાં સવાર ડ્રાઈવર તથા મહિલાઓ સહિત 4 લોકો ફસાઈ ગયા હતા. આખી કાર ગરનાળામાં ડૂબી જતા સ્થાનિક યુવકો તેમની મદદે દોડી આવ્યા હતા. તો ફાયરની ટીમને બોલાવીને કાર પાણીમાંથી બહાર ખેંચવી પડી હતી. ભારે જહેમત બાદ તમામનું રેસ્ક્યુ કરી લેવામાં આવ્યું હતું.