અરવિંદ કેજરીવાલની હત્યા થઇ શકે છે? AAP ના દિગ્ગજ નેતાએ ભાજપ પર લગાવ્યા આક્ષેપ

અરવિંદ કેજરીવાલના જીવને ભાજપના ગુંડાઓથી ભારે જોખમ
અરવિંદ કેજરીવાલને જીવનું જોખમ છે. મનોજ તિવારીએ ખુલ્લેઆમ પોતાના ગુંડાઓને અરવિંદ કેજરીવાલ પર હુમલો કરવા માટે કહી રહ્યા છે. જેનું સંપુર્ણ પ્લાનિંગ પણ કરી લેવામાં આવ્યું છે. જો કે આમ આદમી પાર્ટી આ હીન કક્ષાની રાજનીતિથી જરા પણ ગભરાતું નથી. ભાજપની આ ગુંડાગીરીનો જવાબ જનતા પોતાના મતદાન દ્વારા આપશે.

મનોજ તિવારીના અગાઉના નિવેદનને ટાંકી આપનો આક્ષેપ
અત્રે ઉલ્લેખનીય છે કે, ભાજપના સાંસદ મનોજ તિવારીએ અગાઉ નિવેદન આપ્યું હતું કે, અરવિંદ કેજરીવાલજીની સુરક્ષા મુદ્દે હું ચિંતિત છું. કારણ કે સતત ભ્રષ્ટાચાર, ટિકિટોની વહેંચણી તથા જેલમાં બળાત્કારીઓ સાથેની મિત્રતા તથા મસાજ પ્રકરણ મુદ્દે આપ કાર્યકર્તાઓ અને જનતામાં ગુસ્સો છે. તેના ધારાસભ્યોને લોકો દોડાવી દોડાવીને મારી રહ્યા છે. દિલ્હીના મુખ્યમંત્રી સાથે આવું ન થાય અને તેમને સજા ન્યાયાલય જ આપે.