Video : સુરતમાં ડ્રાઈવરોએ કાયદો હાથમાં લીધો, પોલીસકર્મીનો કોલર પકડીને માર માર્યો

સુરતમાં સીટી બસ ડ્રાયવરોનો હલ્લાબોલ, પોલીસકર્મી પર લોકોએ કર્યો હુમલો #Surat #Suratpolice #SuratCityBus #Gujarat pic.twitter.com/jY9tU2maCF

— Gujarat Tak (@GujaratTak) January 2, 2024

શું છે ઘટના ?

ટ્રકચાલકોની સાથે હવે સુરતમાં બીઆરટીએસ અને એએમટીએસના ડ્રાઇવરો હળતાલમાં જોડાયા છે. ટ્રક ચાલકોએ સીટીબસ રોકી વિરોધ નોંધાવ્યો હતો આ દરમિયાન ટ્રાફિક સમસ્યા સર્જાય છે. ટ્રાફિકની સમસ્યાને હટાવા માટે PCR વાન ત્યાં પહોંચી હતી. આ દરમિયાન ડ્રાઈવરો દ્વારા પોલીસ પર હુમલો કરવામાં આવ્યો હતો. કેટલીક જગ્યા પર સિટી બસ શરૂ હોવાથી તોડફોડ કરાઇ છે. જોકે હાલમાં સુરતમાં 50 ટકા ડ્રાઈવરને સીટી બસ ચલાવવા માનવી લેવામાં આવ્યા છે.

હિટ એન્ડ રન કાયદો શું છે?

વાસ્તવમાં, કેન્દ્ર સરકારે ટ્રક ડ્રાઈવરોને લઈને નવો કાયદો બનાવ્યો છે, જે અંતર્ગત જો કોઈ ટ્રક અથવા ડમ્પર ચાલક કોઈને કચડીને ફરાર થઈ જાય છે તો તેને 10 વર્ષની જેલ થશે. આ સિવાય 7 લાખ રૂપિયાનો દંડ પણ ભરવો પડશે. અગાઉ આ કેસમાં આરોપી ડ્રાઈવરને થોડા દિવસોમાં જ જામીન મળી જતા હતા. જોકે, આ કાયદા હેઠળ બે વર્ષની જેલ સજાની જોગવાઈ પણ હતી.

નવા કાયદા સામે ટ્રક ચાલકોમાં રોષ

સરકારના આ નિર્ણય બાદ ટ્રક ચાલકોમાં ભારે આક્રોશ જોવા મળી રહ્યો છે. તેઓનું કહેવું છે કે, આ એકદમ ખોટું છે. સરકારે આ કાયદો પાછો ખેંચવો પડશે. આને લઈને ગ્રેટર નોઈડાના ઈકોટેક 3 વિસ્તારમાં ટ્રક ડ્રાઈવરોએ પોતાના વાહનો રસ્તા પર ઉભા રાખીને રોડ બ્લોક કરી દીધો હતો અને સરકાર વિરોધી સૂત્રોચ્ચાર કર્યા હતા. જોકે, પોલીસની સમજાવટ બાદ તેઓએ પોતાના વાહનો હટાવ્યા હતા.