આણંદમાં વંદે ભારત ટ્રેન સાથે ભટકાતા મહિલાનું મોત, શરીરના ચીથડા ઉડી ગયા

ટ્રેક ઓળંગવો પડ્યો ભારે
આણંદના ભાલેજ ઓવરબ્રિજ પાસેના રેલવે ફાયક પાસે એક વૃદ્ધ મહિલાનું વંદે ભારત ટ્રેન સાથે ભટકાતા મોત નિપજ્યું છે. જોકે આ અકસ્માત છે કે આત્મહત્યા તે અંગે પોલીસે તપાસ હાથ ધરી છે. આ ઉપરાંત મહિલાના મૃતદેહને પણ પોસ્ટ મોર્ટમ માટે ખસેડવામાં આવ્યો છે. આ ઘટનાની તપાસ રેલવે પોલીસ ચલાવી રહી છે. પોલીસે ઘટનાની જાણ થતાં જ સ્થળ પર દોડી જઈ તપાસની કાર્યવાહી આરંભી હતી. જોકે હાલ મળી રહેલી વિગતો પ્રમાણે રેલવે ફાટક પાસે મહિલા રેલવે ટ્રેક ઓળંગવા જતી હતી ત્યારે ટ્રેન સાથે અકસ્માત થયો હતો અને ટ્રેનની ટક્કર વાગતા મહિલા ગંભીર રીતે ઘવાઈ હતી જેમાં તેમનું મોત નિપજ્યું હતું. જોકે પોલીસે આ બનાવની વધુ કાર્યવાહી હાથ ધરી છે.

આણંદ રેલવે સ્ટેશન પર વંદે ભારત ટ્રેનની અડફેટે આવી જતા મહિલાનું કરૂણ મોત#VandeBharatTrain #Accident pic.twitter.com/vEbDToK5d8

— Gujarat Tak (@GujaratTak) November 8, 2022

વંદે ભારત ટ્રેન સાથે અકસ્માતમાં માનવીય જીવ ગયાની પહેલી ઘટના
ઉલ્લેખનીય છે કે અગાઉ પણ ત્રણ વખત આ ટ્રેન સાથે ઢોર ભટકાવાની ઘટનાઓ બની ચુકી છે. જેમાં ટ્રેનને તો નુકસાન થયું જ હતું પરંતુ ઢોરો પણ ગંભીર રીતે ઘવાયા હતા. ટ્રેન સાથે અકસ્માત થવાનો આ ચોથો બનાવ છે પરંતુ આ ટ્રેન સાથે અકસ્માતમાં કોઈ માણસનું મૃત્યુ થયું હોય તેવી આ પહેલી ઘટના છે.