BREAKING: કાશ્મીરમાં ITBP જવાનોની બસ નદીમાં ખાબકી, 6 જવાનો શહીદ

જમ્મુ કાશ્મીરના ચંદનવાડી (chandanwadi) વિસ્તારમાં મંગળવારે મોટી દુર્ઘટના (itbp vehicle accident) સર્જાઇ. અહીં અમરનાથ યાત્રાએથી પર ફરી રહેલા ITBP જવાનોની બસને અકસ્માત નડ્યો હતો. આ દુર્ઘટનમાં 6 જવાન શહીદ થયા હતા. જ્યારે અનેક જવાન ઘાયલ થયા હતા. આ તમામ જવાનોને એરલિફ્ટ કરીને શ્રીનગર આર્મી હોસ્પિટલ ખાતે સારવાર માટે લઇ જવામાં આવ્યા છે. રાહત અને બચાવ કાર્ય યુદ્ધના ધોરણે ચાલી રહ્યું છે.

पहलमाग में ITBP की बस दुर्घटनाग्रस्त, हादसे में 6 जवान शहीद#ITBP #JammuKashmir #ATVideo (@sunilJbhat, @aajtakjitendra) @chitraaum pic.twitter.com/yIK798S7O9

— AajTak (@aajtak) August 16, 2022

આઇટીબીપીના જવાનોને લઇ જઇ રહેલી બસ ચંદનવાડીથી પહેલગામ જઇ રહી હતી. ત્યારે અચાનક જ બસની બ્રેક ફેલ થઇ જવાના કારણે બસ ખાઇમાં ખાબકી હતી. આ બસમાં કુલ 39 જવાનો બેઠેલા હતા. તેમાંથી 37 જવાન ITBPના હતા. જ્યારે 2 જવાન જમ્મુ કાશ્મીર પોલીસનાં પણ હતા.

ચંદનવાડી પહલગામથી 16 કિલોમીટર દુર છે. હાલમાં જ અમરનાથ યાત્રા પુર્ણ થઇચુકી છે. જેના કારણે તેની ડ્યુટીમાં રહેલા સુરક્ષાદળનાં જવાનો પોતપોતાની ટુકડીઓમાં પરત ફરી રહ્યા હતા. આ જવાનો પણ ડ્યુટી પરથી પોતાની બટાલિયનમાં જઇ રહ્યા હતા. ત્યારે જ બ્રેક ફેઇલ થવાનાં કારણે બસ ખાઇમાં ખાબકી હતી. બસ ખુબ જ ઉંડી ખીણમાં નીચે નદી કિનારે ખાઇમાં ખાબકી છે. મળતી પ્રાથમિક માહિતી અનુસાર 6 જવાનો શહીદ થયા છે. ઘાયલ જવાનોને હાલ એરલિફ્ટ કરીને શ્રીનગર આર્મી હોસ્પિટલ સારવાર માટે ખસેડાયા છે.

ગંભીર અકસ્માતની તસવીરો..