છોટા ઉદેપુરમાં દારૂ ભરેલી બોલેરો રોકવાનો પ્રયાસ કરતા બુટલેગરનો પોલીસને કચડવાનો પ્રયાસ

વિગતો મુજબ, છોટા ઉદેપુરમાં પાવી જેતપુર પાસે પોલીસે રાત્રે દારૂ ભરેલી બોલેરો કારને રોકવાનો પ્રયાસ કર્યો હતો. દરમિયાન કાર ચાલકે પોલીસ પર જ કાર ચડાવી દેવાનો પ્રયાસ કર્યો હતો. જેથી બચાવમાં પોલીસે પણ સામે 3 રાઉન્ડ ફાયરિંગ કર્યું હતું અને વડાતલાવ પાસે ફિલ્મી ઢબે પીછો કર્યો હતો અને ગાડીમાં સવાર ત્રણ જણાની ધરપકડ હતી. જોકે બેફામ બોલેરો ગાડી ચલાવનાર ચાલક ગાડીમાંથી કૂદીને રાતના અંધારામાં ફરાર થઈ ગયો હતો. પોલીસને કારમાંથી 1.50 લાખનો દારૂ જપ્ત કર્યો હતો. મધ્યપ્રદેશના આમખૂટથી ઈંગ્લીશ દારૂ ભરીને તેને આણંદ લઈ જતા હતા.

પોલીસે દારૂ ભરેલી નંબર વિનાની બોલેરો પણ જપ્ત કરી હતી. આમ પોલીસે દારૂ તથા કાર મળીને કુલ 8 લાખનો મુદ્દામાલ જપ્ત કર્યો હતો. પોલીસે પ્રોહીબિશન અને પોલીસ ઉપર જીવલેણ હુમલા બાબતે કુલ 6 આરોપીઓ સામે બે અલગ અલગ નોંધ્યા ગુના છે. સાથે જ નગીન દુરસિંગ રાઠવા, રાકેશ ગોપસિંગ રાઠવા અને ચંદુ રણછોડ રાઠવાની અટકાયત કરી હતી. જ્યારે બોલેરો ચાલક સચિન રાઠવા ફરાર છે.