VIDEO: સુરતમાં બુટલેગરોને પોલીસનો પણ ખોફ નહીં! ધોળા દિવસે બે પોલીસકર્મીને કચડી નાખવાનો પ્રયાસ

બુટલેગરનો કારથી પોલીસને કચડવાનો પ્રયાસ
સુરતના ઉમરપાડામાં જાહેર રસ્તા પર ફિલ્મી દ્રશ્યો સર્જાયા હતા. અહીં કારમાં દારૂ ભરીને જતા બુટલેગરોને રોકવાનો પ્રયાસ કરતા પોલીસ જવાનો પર ગાડી ચડાવવાનો પ્રયાસ કર્યો હતો. જોકે સદનશીબે પોલીસ જવાનોનો બચાવ થયો હતો. જ્યારે બુટલેગર જંગલના રસ્તે થઈને ગાડીમાં ફરાર થઈ ગયા હતા. સમગ્ર ઘટના સીસીટીવી કેમેરામાં કેદ થઈ ગઈ હતી. જેમાં જોઈ શકાય છે કે, કેવી રીતે ફોર્ચ્યુનર કારમાં રહેલો બુટલેગર પોલીસના બાઈકને ટક્કર મારી તેમને નીચે પાડી દે છે અને પછી ત્યાંથી ફરાર થઈ જાય છે.

સુરતમાં બેફામ બનેલા બુટલેગરોને પોલીસને પણ ભય નહીં! કારથી પોલીસકર્મીને કચડવાનો પ્રયાસ#Surat #Bootlegger #SuratPolice pic.twitter.com/EzH1jHKSmi

— Gujarat Tak (@GujaratTak) August 23, 2022

પોલીસે દારૂ ભરેલી બે કાર જપ્ત કરી
ઘટનાને પગલે પોલીસે પણ બુટલેગરોને ઝડપી પાડવા અભિયાન શરૂ કર્યું હતું. જે બાદ પોલીસે ફોર્ચ્યુનર અને એક્સયુવી કાર જપ્ત કરી છે. બંને કારમાં ભરેલી દારૂની પેટીઓ પણ આ સાથે જપ્ત કરવામાં આવી છે. નોંધનીય છે કે બોટાદના બરવાળામાં લઠ્ઠાકાંડની ઘટના બાદથી રાજ્યભરમાં દારુબંધીની કડક અમલવારી પર અનેક પ્રશ્નો ઉઠ્યા હતા. એવામાં પોલીસે ઘણી જગ્યાએ દેશી દારૂની ભઠ્ઠીઓ પર રેડ પાડી હતી અને તેને બંધ કરાવી હતી.

(વિથ ઈનપુટ: સંજયસિંહ રાઠોડ)