વધુ તાકતવર બનતું જાય છે Biparjoy, તંત્રને તાબડતોબ આદેશો, બંદરો પર નં.10નું સિગ્નલ

કિરાને લગાવાયેલી બોટોને પણ ખસેડવી પડશે
બિપોરજોયને લઈને ગુજરાત મેરી ટાઈમ બોર્ડ દ્વારા ગુજરાતના દ્વારકાના ઓખા બંદર અને જામનગરના બંદર પર 10 નંબરનું સિગ્નલ આપવામાં આવ્યું છે. જામનગરના તો તમામ બંદરો પર નં. 10નું સિગ્નલ લગાવ્યું છે. મોરબી નવલખી ખાતે હાઈ એલર્ટ સાથે નં. 10નું સિગ્નલ લગાવી દેવાનો આદેશ કરાયો છે. દક્ષિણ ગુજરાતના બંદરો પર નં. 3નું સિગ્નલ આપવામાં આવ્યું છે. ખાસ કરીને બંદરો પર મોટા ભાગની બોટ લાંગરી દેવાઈ છે જેના કારણે આ બોટોને તુરંત કોઈ સલામત સ્થળ પર રવાના કરવાના આયોજન કરવા, દરિયો નહીં ખેડવા અને નીચાણવાળા વિસ્તારોના લોકોને પણ સુરક્ષીત સ્થાને ખસેડવાની તજવીજો શરૂ કરાઈ છે.

મોરબીની જવાબદારી મળતા કનુ દેસાઈએ Biparjoy વાવાઝોડાને લઈ અધિકારીઓ સાથે કરી મિટિંગ

સતત દિશાઓ બદલતું બિપોરજોય
ઉલ્લેખનીય છે કે ગુજરાતમાં આ વાવાઝોડું મોટી અસર પાડી શકતું હોઈ એનડીઆરએફને સ્ટેન્ડ બાય કરીને, નેવી, કોસ્ટગાર્ડ, ડિઝાસ્ટર મેનેજમેન્ટ સહિતનો સ્ટાફ આ દિવસો દરમિયાન ખડેપગે રહેશે. વાવાઝોડાની સ્થિતિને પહોંચી વળવા માટે ગુજરાતના તંત્રને ઘણી તૈયારીઓ કરવી પડે તેમ છે કારણ કે આ વાવાઝોડું વધુ તાકતવર થયું હોય તેવું હાલનું અનુમાન છે. અગાઉ આ વાવાઝોડું ગુજરાતના દરિયાકાંઠે અથડાય તો ત્યાંથી જ તેની અસર પુરી થઈ જવાની હતી. બાદમાં સામે આવ્યું કે તે ગુજરાતના દરિયાકાંઠે સામાન્ય અસર પહોંચાડી પોતાની દિશા બદલી નાખશે પરંતુ સર્પાકાર દિશાઓમાં આ વાવાઝોડુ આગળ વધી રહ્યું છે અને હવે તે રાજસ્થાન સુધી જઈને પુરુ થાય તેવું સામે આવી રહ્યું છે.