કચ્છમાંથી 10 મહિના પહેલા ગુમ થયેલું બાઈક છેક UPમાં ફરતું હતું, ટ્રાફિક ભંગના ઈ-મેમોથી ખૂલ્યો ચોરીનો ભેદ

ગાંધીધામ: ગુજરાતમાં વાહન ચોરીના રોજે રોજ બનાવો બનતા હોય છે. આ વચ્ચે કચ્છના ગાંધીધામથી એક ચોંકાવનારો મામલો સામે આવ્યો છે. 10 મહિના પહેલા ગાંધીધામમાંથી એક બાઈકની ચોરી થઈ હતી. જોકે આ બાઈકને 12 દિવસ પહેલા યુ.પી પોલીસનો ઈ-મેમો મળતા પરિવાર ચોંકી ઉઠ્યો હતો. ગાંધીધામથી ચોરાયેલું બાઈક ઉત્તર પ્રદેશમાં ફરતું જોવા મળતા પરિવારે એ-ડિવિઝન પોલીસ સ્ટેશનમાં ઈ-મેમો સાથે અરજી કરી જાણ કરી છે.