ભાજપના કેજરીવાલના શિક્ષણ મોડલ પર મોટો પ્રહાર, RTI દ્વારા કર્યો મોટો ઘટસ્ફોટ

ભાજપ પ્રવક્તાએ ટ્વીટ કરી આપને અસહજ કરી દીધી
ભાજપ નેતા યજ્ઞેશ દવેએ ટ્વિટ કરતા કેજરીવાલે દિલ્હીની એક પણ શાળાની મુલાકાત ન લીધી હોવાનો ચોંકાવનારો આક્ષેપ કર્યો હતો. 2015થી 2022 સુધી એક પણ શાળાની મુલાકાત લીધી નહી હોવાનું ટ્વીટ કર્યું હતું. કોઇ વિદ્યાર્થી કે શિક્ષક સાથે સંવાદ પણ નહી કર્યો હોવાનું જણાવ્યું હતું. આ ઉપરાંત કોઇ પણ ધારાસભ્યે શાળામાં ગ્રાન્ટ પણ નહી ફાળવી હોવાનો આરોપ લગાવ્યો હતો. સીધી જ રીતે કેજરીવાલ પર ટાર્ગેટ કરતાં લખ્યુ કે, ગુજરાતના લોકોને જે રેવડી ખવડાવવાનો પ્રયાસ થઇ રહ્યો છે, તેમાં હળહળતું જુઠ્ઠું છે. RTIના માધ્યમથી મળેલી માહિતીને આધારે યજ્ઞેશ દવેએ દાવાઓ કર્યા હતા.

RTI પર્દાફાસ
2015 થી2022સુધીમાં રેવડીલાલે એક પણ શાળાની વિઝીટ નથી કરી કોઈપણ વિદ્યાર્થીઓ સાથે વાત નથી કરી કે કોઈપણ શિક્ષક સાથે સંવાદ પણ નથી કર્યા અને તેના ધારાસભ્યોએ કોઈપણ શાળાને ગ્રાન્ટ પણ નથી ફાળવી અને ગુજરાત આવીને હળહળતું જુઠ્ઠું …જુવો રિપોર્ટ pic.twitter.com/7zkLQ0DFPB

— Dr.Yagnesh Dave (@YagneshDaveBJP) September 28, 2022

ચૂંટણી નજીક આવતા રાજકીય નેતાઓ વચ્ચે શાબ્દિક ટપાટપી
ઉલ્લેખનીય છે કે, બીજી તરફ ગુજરાત આપના નેતાઓ પણ ભાજપ પર શિક્ષણના મુદ્દે શાબ્દિક ટપાટપી કરતા રહે છે. ભાજપના RTI બોંબના પડઘા હજુ સુધી આપ સુધી પહોંચ્યા નથી લાગતા અથવા તો આપ નેતાઓ જવાબ આપી શકે તેમ નથી. ભાજપના દરેક નેતાઓના મુદ્દે પ્રતિક્રિયા આપના નેતાઓ આ અંગે હજી સુધી કોઇ પ્રતિક્રિયા આપી નથી. ગુજરાતમાં જેમ જેમ વિધાનસભાની ચૂંટણી નજીક આવતી જઈ રહી છે તેમ તેમ પાર્ટીઓ વચ્ચે તમામ મોરચે ટપાટપી થઇ રહી છે.