ભાવનગરમાં નીકળી ડુંગળીની અંતિમ યાત્રા, ખેડૂતોએ ધ્રૂસકે-ધ્રૂસકે રડીને મરસિયા ગાયા

ડુંગળીના ભાવ ન મળતા અનોખો વિરોધ

ભાવનગર જિલ્લામાં સૌરાષ્ટ્રનું સૌથી મોટું માર્કેટિંગ યાર્ડ મહુવા અને ભાવનગર યાર્ડમાં નિકાસબંધીની અસરથી ડુંગળીના ભાવમાં સતત ઘટાડો થઈ રહ્યો છે. ત્યારે ભાવનગર જિલ્લામાં ડુંગળી નિકાસબંધીને લઈ ખેડૂતોનો અનોખો વિરોધ કર્યો હતો. ઘોઘા તાલુકાનાં નેસવડ, મામસા, ઉખલા ગામના ખેડૂતો દ્વારા ડુંગળીની અંતિમયાત્રા કાઢીને વિરોધ કરાયો હતો. ખેડૂતોએ ‘ડુંગળીમાં મરી ગયા’ અને ‘રામ બોલો ભાઈ રામ’ જેવા સૂત્રોચ્ચાર ઉચાર્યા હતા. સાથે મરસિયા પણ ગાયા હતા.

ભાવનગરમાં ખેડૂતોએ ડુંગળીની અંતિમ યાત્રા કાઢી વિરોધ વ્યક્તિ કર્યો#Farmers #Bhavnagar #OnionPrice pic.twitter.com/Bh6MXIk4G7

— Gujarat Tak (@GujaratTak) December 29, 2023

નોંધનીય છે કે, આ પહેલા રાજકોટમાં પણ ખેડૂતોએ ડુંગળીના ભાવ મુદ્દે વિરોધ નોંધાવ્યો હતો. ગોંડલ માર્કેટ યાર્ડની બહાર નેશનલ હાઈવે પર ડુંગળી રોડ પર ફેંકીને યોગ્ય ભાવ ન મળતા ખેડૂતોએ વિરોધ કર્યો હતો.

(નીતિન ગોહિલ, ભાવનગર)