BREAKING: ગુજરાતથી મથુરા બસનો રાજસ્થાનમાં ભયાનક અકસ્માત, ટ્રકે ટક્કર મારતા 11 ગુજરાતી યાત્રીઓનાં મોત

હાઈવે પર બસ ખરાબ થતા ઊભી રખાઈ હતી

મળતી માહિતી મુજબ મુસાફરોથી ભરેલી બસ ગુજરાતથી મથુરા તરફ જઈ રહી હતી. જયપુર-આગ્રા હાઈવે પર નદબઈ પોલીસ સ્ટેશન વિસ્તારમાં જયપુર આગ્રા નેશનલ હાઈવે પર હંતારા પુલ પર બસ ખરાબ થઈ ગઈ હતી. ડ્રાઈવરે બસ ઊભી રાખી અને તેને ઠીક કરવાનો પ્રયાસ શરૂ કર્યો. ત્યારે પાછળથી આવતી ટ્રકે બસને ટક્કર મારી હતી.

#WATCH | Rajasthan | 11 people killed and 12 injured when a trailer vehicle rammed into a bus on Jaipur-Agra Highway near Hantra in Bharatpur District, confirms SP Bharatpur, Mridul Kachawa. The passengers on the bus were going from Bhavnagar in Gujarat to Mathura in Uttar… pic.twitter.com/1nYUkj3J9z

— ANI MP/CG/Rajasthan (@ANI_MP_CG_RJ) September 13, 2023

11 લોકોના સ્થળ પર જ મોત

પોલીસનું કહેવું છે કે, આ અકસ્માતમાં 11 લોકોના ઘટનાસ્થળે જ મોત થયા છે. કેટલાક લોકો ઘાયલ થયા છે. તેમને હોસ્પિટલમાં દાખલ કરવામાં આવ્યા છે. અકસ્માતની માહિતી એકત્ર કરવામાં આવી રહી છે.

બસ ભાવનગરથી મથુરા જઈ રહી હતી

પોલીસે જણાવ્યું કે, આ બસ ગુજરાતના ભાવનગરથી જયપુર અને ભરતપુર થઈને ઉત્તર પ્રદેશના મથુરા જઈ રહી હતી. આ અકસ્માત સવારે 5 વાગ્યાની આસપાસ થયો હતો. મૃત્યુ પામેલાઓમાં છ મહિલાઓ અને પાંચ પુરૂષો હતા. તમામ મુસાફરોને એમ્બ્યુલન્સ દ્વારા જિલ્લા હોસ્પિટલમાં લાવવામાં આવ્યા, જ્યાં ડોક્ટરોએ 11 લોકોને મૃત જાહેર કર્યા. 20 જેટલા ગંભીર રીતે ઘાયલોની સારવાર ચાલી રહી છે.

રાજસ્થાનના ભરતપુર નજીક થયેલ માર્ગ અકસ્માતની ઘટના ખૂબ આઘાતજનક છે. અકસ્માતમાં ગુજરાતના યાત્રિકોએ જીવ ગુમાવ્યો છે. સૌ મૃતકોના પરિવારજનો પ્રત્યે મારી આત્મીય સંવેદના વ્યક્ત કરું છું. ઇજાગ્રસ્ત યાત્રિકો જલ્દીથી સાજા થાય તેવી પરમકૃપાળુ પરમાત્માને પ્રાર્થના કરું છું.

— Bhupendra Patel (@Bhupendrapbjp) September 13, 2023