લગ્નમાં DJ બુક કરાવતા પહેલા ચેતજો, આગ લગતા લોકોના જીવ તાળવે ચોંટયા

રાજ્યમાં એક તરફ લગ્ન પ્રસંગો પૂરજોશમાં ચાલી રહ્યા છે અને બીજી બાજુ ગરમીનું પણ પ્રમાણ વધુ જોવા મળી રહ્યું છે. લગ્ન સીઝનમાં હાલ DJ નો ક્રેઝ વધુ જોવા મળી રહ્યો છે, અને લોકો, DJ ના તાલે ઝુમી ઉઠે છે, પરંતુ અહીં એક એવી ઘટના બની છે કે પ્રસંગમાં DJ બુક કરતાં પહેલા વિચાર કરશો. મેઘરજ તાલુકામાં બોરખડ ગામે, લગ્ન પ્રંસગમાં આવેલ DJ ગાડીમાં અચાનક આગ લાગતા, અફરા-તફરી મચી ગઈ હતી, જોકે આગ કયા કારણે લાગી હતી તે જાણી શકાયું નથી.

DJ સિસ્ટમ બળીને ખાખ થઇ
DJ માં લાગેલી આગને આજુબાજુના લોકોએ પાણી તેમજ માટીનો મારો ચલાવી આગ પર કાબુ મેળવ્યો હતો, જોકે આગમાં DJ સિસ્ટમ બળીને ખાખ થઇ ગઈ હતી. સ્થાનિક લોકોએ આગ પર કાબૂ મેળવ્યો, જેના કારણે મોટી દુર્ઘટના ટળી હતી. જોકે આ ઘટનામાં કોઈ જાન હાનિ થઈ ન હતી જેથી લોકોએ રાહતનો શ્વાસ લીધો હતો.

(વિથ ઈનપુટ: હિતેશ સુતરીયા, અરવલ્લી)