વીડિયો: અંકલેશ્વરની યુનિયન બેંકમાં 4 બુકાનીધારીએ સ્ટાફ-ગ્રાહકોને બંધક બનાવી 22.70 લાખની લૂંટ ચલાવી

લૂંટ આચરી બાઈક પર ભાગ્યા લૂંટારૂ
અંકલેશ્વર પીરામણ નાકા નજીક આવેલી યુનિયન બેંકમાં આજે બપોરના અરસામાં 4 લુંટારુઓ ત્રાટક્યા હતા. જોત જોતામાં આ લૂંટારૂઓએ રૂ.22.70 લાખ જેટલી મત્તાની લૂંટ ચલાવી ફરાર થઇ ગયા હતા. બાઈક ઉપર આવેલ લૂંટારૂઓ લૂંટ ચલાવી નાસી રહ્યા હતા તે દરમિયાન પોલીસને જાણ થતા તેઓ સ્થળ પર દોડી ગયા હતા અને લુંટારુઓનો પીછો કર્યો હતો. લુંટારૂઓ દ્વારા પોલીસ ઉપર ફાયરીંગ કરવામાં આવ્યું હતું જેના વળતા જવાબમાં પોલીસે પણ ફાયરીંગ કર્યું હતું. જેમાં એક શખ્સ ઘાયલ થયો હતો.

 

View this post on Instagram

 

A post shared by Gujarat Tak (@gujarattakdigital)

પોલીસે કરેલા ફાયરિંગમાં એક લૂંટારૂ ઈજાગ્રસ્ત
પોલીસે ચાર પૈકી 1 લુંટારૂને ઝડપી પાડ્યો હતો જે ઘાયલ હોઈ તેને સારવાર હેઠળ ખસેડાયો છે. બનાવના પગલે તમામ એક્ઝીટ પર નાકાબંધી કરવામાં આવી હતી. આ લુંટની ઘટના સીસીટીવી કેમેરામાં કેદ થઇ હતી. તો લુંટારુઓ જ્યારે નાસી રહ્યા હતા ત્યારે બેન્કની સામે આવેલ એક કોમ્પ્લેક્ષમાં રહેતા રહીશે પોતાના મોબાઈલમાં આ ઘટના કેદ કરી હતી. બનાવની જાણ થતા જ જીલ્લા પોલીસ વડા લીના પાટીલ ઘટનાસ્થળે દોડી ગયા હતા અને તપાસ હાથ ધરી છે.