બનાસકાંઠા કોંગ્રેસે કમા મામલે રાહુલ ગાંધી પર થયેલી ટિપ્પણીને લઈ કર્યું વિરોધ પ્રદર્શન

બનાસકાંઠાના અંબાજી ખાતે કોંગ્રેસ દ્વારા ભાજપના નેતાના કમા અને રાહુલ ગાંધીની સરખામણી કરતા નિવેદનને લઈને વિરોધ પ્રદર્શન કરવામાં આવ્યું હતું. #banaskantha #Congress #BJP #RahulGandhi pic.twitter.com/X0Hi39VqYf

— Gujarat Tak (@GujaratTak) October 22, 2022

કોંગ્રેસના નેતાઓ થયા લાલઘુમ
અંબાજીમાં ગુજરાત ગૌરવ આદિવાસી યાત્રાના સમાપન દરમિયાન મધ્યપ્રદેશના બે મંત્રી આવ્યા હતા. ભાજપના આ નેતાઓ અને મધ્યપ્રદેશના મંત્રી સાથે અંબાજીના ભગવતી પાર્ટી પ્લોટમાં કાર્યકરો અને નેતાઓ સાથેનું ઉદબોધન કરવામાં આવ્યું હતું. મધ્યપ્રદેશના તબીબી શિક્ષણમંત્રી વિશ્વાસ કૈલાસ સારંગે દાતા સીટ પર ભાજપનું કમળ ખીલે તે માટે અહીં ઉદબોધન કર્યું હતું. જોકે ત્યારે તેમણે કોંગ્રેસની ભારત જોડો યાત્રા પર કટાક્ષ કર્યો હતો અને રાહુલ ગાંધીને કમા સાથે સરખાવ્યા હતા. આ બાબતથી ત્યાં હાજર લોકો હસી પડ્યા હતા પરંતુ કોંગ્રેસના નેતાઓ અને કાર્યકરો લાલઘુમ થઈ ગયા હતા.

મધ્યપ્રદેશના નેતાએ રાહુલ ગાંધી અંગે વિવાદિત નિવેદન આપતા રાજકારણ ગરમાયું છે. અત્રે ઉલ્લેખનીય છે કે, મધ્યપ્રદેશા વનમંત્રી કૈલાશ સારંગ હાલ ગુજરાતના પ્રવાસે છે. અહીં તેમણે કમાની સરખામણી રાહુલ ગાંધી સાથે કરી દેતા વિવાદનો મધપુડો છંછેડાયો છે.#GujaratElections2022 #GujaratPolitics pic.twitter.com/D4UhExyZgR

— Gujarat Tak (@GujaratTak) October 21, 2022

વધુ ઉગ્ર દેવાવો કોંગ્રેસ કરશે
શનિવારે આ મામલાને લઈને ખોડીવડલી પાસે કોંગ્રેસ દ્વારા ઉગ્ર દેખાવો કરવામાં આવ્યા હતા. કમા સાથે રાહુલ ગાંધીની તુલનાથી અકળાયેલા કોંગ્રેસના કાર્યકરોએ અહીં છાતી કુટી અને મધ્યપ્રદેશના નેતાઓની હાય હાય બોલાવી હતી. આ ઉપરાંત આગામી દિવસોમાં તેઓ આ મામલે વધુ ઉગ્ર દેખાવો કરશે તેવું જણાવ્યું હતું.

(વીથ ઈનપુટઃ શક્તિસિંહ રાજપૂત)