આ ભીડ જોઈને તમને લાગશે કે કોંગ્રેસને સરકાર આવી રહી છે?- જુઓ બનાસકાંઠામાં મંડપ કેપેસિટી કરતા 4 ગણી જનતા

જગદીશ ઠાકોરે ભાજપના ઉમેદવારોને ઘેટા સાથે સરખાવ્યા
વિધાનસભાની ચૂંટણીઓને હવે ગણતરીના દિવસો બાકી રહ્યા છે તે વચ્ચે ભાજપ હોય, આપ હોય, કોંગ્રેસ હોય કે, AIMIM તમામે પોતાના દિગ્ગજ નેતાઓને ચૂંટણી પ્રચાર માટે મેદાને ઉતારી દીધા છે ત્યારે આજે થરાદ ખાતે વાવ વિધાનસભાના ઉમેદવારોને જીતાડવા કોંગ્રેસની જંગી જાહેરસભા યોજાઈ મહત્વની વાત છે કે પ્રદેશ કોંગ્રેસ અધ્યક્ષ જગદીશ ઠાકોરના અધ્યક્ષ સ્થાને યોજાયેલી જંગી જાહેરસભામાં હજારોની સંખ્યામાં થરાદ તેમજ વાવના મતદારો ઉમટ્યા અને હજારોની જનમેદનીને સંબોધતા પ્રદેશ અધ્યક્ષ જગદીશ ઠાકોરે ભાજપ પર આકરા પ્રહારો કર્યા હતા. ભાજપના કેટલાક ઉમેદવારોને ઘેટાં સાથે સરખાવી દીધા અને કહ્યું કે કેટલાક વધારે ઉનવાળા ઘેટા આવે તો તેમનું ઉન કાતરી લેજો અને ઘર ભેગા કરી દેજો પણ વોટ તો કોંગ્રેસને જ આપજો.

થરાદના ઉમેદવાર ગુલાબસિંહના ભાજપના શંકર ચૌધરી પર નામ લીધા વગર પ્રહાર
તો બીજી તરફ થરાદ ધારાસભ્ય અને થરાદ વિધાનસભા બેઠક પરથી કોંગ્રેસમાંથી ચૂંટણી લડી રહેલા ગુલાબસિંહ રાજપુતતે પણ તેમની સામે ભાજપ તરફ થી ચૂંટણી લડી રહેલા શંકરભાઈ ચૌધરીનું નામ લીધા વગર આકરા પ્રહારો કર્યા અને કહ્યું કે આપણા ઘરે મહેમાન આવે તો ચા નાસ્તો કે રોટલા પડ્યા હોય તો ખવડાવાય પરંતુ તેમને ઘરની ચાવી ન સોંપી દેવાય. તેવું કહી ગુલાબસિંહ દ્વારા પોતાની પાઘડી ઉતારી હજારોની મેદની ને અપીલ કરાઈ હતી કે આ મારી પાઘડીની આગામી પાંચ તારીખના મતદાન સુધી ઈજ્જત રાખજો, તે બાદ પાંચ વર્ષ આ પંથકની જવાબદારી ઈમાનદારીથી હું નિભાવીશ.

બનાસકાંઠા જિલ્લાના થરાદ વિધાનસભામાં કોંગ્રેસના ઉમેદવાર ગુલાબસિંહ રાજપૂતની આજની રેલીમાં ઉમટેલી ભીડ#Congress #CongressAaveChe #banaskantha #tharad #gujrat pic.twitter.com/SVSEtWdIWm

— Suresh Bishnoi  (@Aapkatiger29) November 28, 2022

લોકોની ભીડ કોંગ્રેસનો મતદાર બનશે?
જોકે ચૂંટણીઓને હવે ગણતરીના દિવસો બાકી રહ્યા છે તે વચ્ચે જ હજારોની જનમેદની સાથે યોજાયેલી કોંગ્રેસની આ જંગી જાહેરસભા અત્યારે તો સમગ્ર વિસ્તારમાં ચર્ચાનો વિષય બની છે પરંતુ હવે પ્રજા આ વિસ્તારમાંથી કોને જીતાડે છે તે તો ચૂંટણી પરિણામ બાદ જ જોઈ શકાશે. કારણ કે કરંટ અને અંડર કરંટને સમજવો પણ એટલો જ જરૂરી છે અને આ લોકોની ભીડ કોંગ્રેસ માટે મતદાર બને છે કે કેમ તે અંડર કરંટ ચૂંટણી પરીણામ વખતે જાણી શકાશે.