ગુજરાત પહોંચ્યા બાગેશ્વર બાબા, એરપોર્ટ પર થયું ભવ્ય સ્વાગત, અમરાઈવાડીમાં ભક્તના ઘરે લેશે બપોરનું ભોજન

અમરાઈવાડીમાં ભક્તને ઘરે લેશે ભોજન
અમદાવાદ આવી પહોંચેલા બાગેશ્વર બાબા અમરાઈવાડીમાં પોતાના ભક્તના ઘરે જશે. અહીં આવેલા ચૌહાણ પેલેસમાં તેમના ભોજનની વ્યવસ્થા કરવામાં આવી છે. અહીં જ ભક્તના ઘરે તેઓ બપોરનું ભોજન લેશે. ધીરેન્દ્ર શાસ્ત્રીના ભક્ત સુપ્રીયાએ જણાવ્યું હતું કે, તેઓ ફરાળી ભોજન લે છે. એટલા માટે તેમના માટે બપોરના ભોજનમાં ફ્રૂટ્સ, ડ્રાય ફ્રૂટ્સ અને મીઠાઈની વ્યવસ્થા કરવામાં આવી છે. અહીંથી બાદમાં તેઓ વટવામાં એક કાર્યક્રમમાં હાજરી આપવા માટે જશે.

બાગેશ્વર બાબાનો સમગ્ર કાર્યક્રમ

• 25 મે અમદાવાદમાં બપોરે 2 વાગ્યે પહોંચશે
• 3 વાગ્યે વટવામાં ઓશિયા મોલ સામે શિવ મહાપુરાણ કથામાં હાજરી આપશે
• કથા દરમિયાન ભક્તોને સંબોધનની સાથે આશીર્વાદ પણ આપશે
• 26 અને 27 મેના રોજ સુરતના લિંબાયતમાં દિવ્ય દરબાર યોજાશે
• 28 મેના રોજ અમદાવાદના ચાંદખેડા નજીક ઝુંડાલમાં કાર્યક્રમ
• 29 અને 30 મેના રોજ અમદાવાદના ઘાટલોડિયામાં ચાણક્યપુરીમાં કાર્યક્રમ
• 1 અને 2 જૂન રાજકોટના રેસકોર્સ મેદાન પર દિવ્ય દરબાર યોજાશે
• 3 જૂને વડોદરામાં નવલખી મેદાનમાં દિવ્ય દરબાર યોજાશે