ઓવૈસીની સભામાં મુસ્લિમ યુવકોની ધમાલ, મોદી-મોદીના નારા લગાવ્યા

મુસ્લિમ યુવકોએ જ ઓવૈસીનો વિરોધ કર્યો
સુરતમાં AIMIM ના વડા અસદુદ્દીન ઓવૈસીની સભા દરમિયાન કેટલાક મુસ્લિમ યુવકોએ મોદી જિંદાબાદના નારા લગાવ્યા હતા. જેવું ઓવૈસીનું ભાષણ શરૂ થાય તે પહેલા જ આ યુવકોએ મોદીના નામના નારા લગાવ્યા હતા અને ઓવૈસીને કાળા ઝંડાઓ દેખાડ્યા હતા. સુરતનાં રુદરપુર ખાડી વિસ્તારમાં આ ઘટના સામે આવી હતી. જો કે સમર્થકોએ ત્યાર બાદ આ યુવકોને દુર હટાવી દીધા હતા. પરંતુ થોડા સમય માટે ગરમા ગરમીનું વાતાવરણ સર્જાયું હતું.

સુરતમાં પોતાના ઉમેદવારનો પ્રચાર કરવા આવ્યા હતા ઓવૈસી
અત્રે ઉલ્લેખનીય છે કે, ઓવૈસી 159 નંબરની સુરત પૂર્વ વિધાનસભાના પોતાના ઉમેદવારનો ચૂંટણી પ્રચાર કરવા માટે સુરત આવ્યા હતા. આ દરમિયાન તેમણે વિરોધનો સામનો કરવો પડ્યો હતો. ગુજરાત વિધાનસભા પ્રચારમાં અનેક નેતાઓને કડવા મીઠા અનુભવ થતા હોય છે. આમાં એક કિસ્સો વધ્યો હતો.