બિપોરજોયની અસર, ચોમાસુ શરૂ થાય તે પહેલા અનેક ડેમ છલકાઇ ગયા

રાજસ્થાનમાં ભારે વરસાદ થતા બનાસ નદીમાં ઘોડાપુર આવ્યું હતું. બનાસનદીમાં પાણીની આવક સતત રહેતા બનાસ નદી બેકાંઠે વહેતી થઇ છે. ખેડૂતોમાં ખુશીનો માહોલ છે. રાજસ્થાનમાં સતત વરસાદના પગલે દાંતીવાડા ડેમમાં 51 હજાર 892 ક્યુસેક પાણીની આવક થતા ડેમની સપાટી 577 ફુટ પહોંચી હતી. આ ડેમની સરેરાશ 604 ફુટ છે. હાલ પાણીની આવક થતા ડેમની ભયજનક સપાટીએ નોંધાઇ છે.

આ સાથે જ બનાસકાંઠાના સીપુ ડેમમાં પણ 25 હજાર ક્યુસેક પાણીની આવક થતા છેલ્લા 3 વર્ષના ઇતિહાસમાં ખાલી સીપુ ડેમમાં નવા નીર આવતા ખેડૂતોને ઉનાળુ પાક માટે રાહત થઇ છે. જો કે હાલ અનરાધાર વરસાદના કારણે ચોમાસુ સિઝન બગડે તેવી શક્યતા છે. રાજસ્થાન અને અંબાજીમાં પડેલા ભારે વરસાદથી ડેમમા નવા નીરની આવક થતા અમીરગઢના ખેડૂતોને લાભ મળશે.