અરવલ્લીમાં શામળાજી ડેમ ઓવરફ્લો થતા 15થી વધુ ગામોને એલર્ટ કરાયા

ડેમનું જળસ્તર સતત વધ્યું
શામળાજીનો મેશ્વા ડેમ ઓવરફ્લો થતા 15થી વધુ ગામડાઓને એલર્ટ કરી દેવાયા છે. અત્યારે આ અસરગ્રસ્ત વિસ્તારોના સ્થાનિકો સતર્ક રહેવાની સૂચના આપી દેવાઈ છે. તો બીજી બાજુ ઉપરવાસમાં પડી રહેલા ધોધમાર વરસાદના કારણે ડેમમાં પાણીનો પ્રવાહ સતત વધી રહ્યો છે.

અરવલ્લીમાં ભૂસ્ખલન થતા 20 KM સુધી ટ્રાફિક જામ
વરસાદી માહોલ વચ્ચે પહાડી વિસ્તારમાં ભેખડો ધસી આવવાની મોટાભાગની ઘટનાઓ સામે આવતી રહે છે. તેવામાં અરવલ્લીમાં પહાડો પરથી ભેખડો ધસી આવતા નેશનલ હાઈવે બ્લોક થઈ ગયો છે. વળી પથ્થરોના નાના મોટા ટુકડાઓની ચાદર અત્યારે રસ્તા પર પથરાઈ ગઈ હોય તેવી સ્થિતિ જોવા મળી છે. પહાડો પરથી ભેખડો પડવાના કારણે મોટાભાગના વાહનોને પણ નુકસાન પહોંચ્યું છે.

અરબ સાગરમાં લો પ્રેશર સર્જાતા ધોધમાર વરસાદ
અરબી સમુદ્રમાં લો પ્રેશરના કારણે હવામાન વિભાગે ભારે વરસાદ પડવાની આગાહી કરી છે. રાજ્યમાં અત્યારે 8 જિલ્લાઓ ઓરેન્જ અને 7 જિલ્લાઓમાં યલો એલર્ટ જાહેર કરી દેવામાં આવ્યું છે. ગુજરાતમાં આગામી 48 કલાકમાં ધોધમાર વરસાદ પડવાની આગાહી કરાઈ છે. જેના પગલે માછીમારોને દરિયો ન ખેડવાની ટકોર કરી દેવામાં આવી છે. બીજી બાજુ શહેરી વિસ્તારોમાં સવારથી જ ધોધમાર વરસાદ શરૂ થતા આ સિઝનનો સારો વરસાદ નોંધાયો છે.

With Input – હિતેશ સુતરિયા