CCTV: અરવલ્લીમાં હઠીલો ચોર ટ્રેક્ટરનું ટાયર ઉપરથી ફરી વળ્યું, છતાં લંગડાતા લંગડાતા વાહન ચોરી ગયો

શો રૂમ બહારથી યુવક ચોરી ગયો ટ્રેક્ટર

વિગતો મુજબ, મોડાસાના હજીરા વિસ્તારમાં એક ટ્રેક્ટરના શોરૂમની બહાર એક તસ્કર ટ્રે્ક્ટરની ચોરી કરવા માટે પહોંચ્યો હતો. ચોરી કરવા યુવકે ટ્રેક્ટર ચાલુ કર્યું અને અચાનકે તે પાછલા ટાયરની નીચે આવી ગયું. ટ્રેક્ટરનું ટાયર યુવકના માથા અને શરીર પરથી પસાર થઈ ગયું. જોકે તેમ છતાં યુવક લંગડાતા લંગડાતા ફરી ઊભો થાય છે અને ટ્રેક્ટર પર બેસીને ત્યાંથી ફરાર થઈ જાય છે.

અરવલ્લીમાં ટ્રેક્ટર ચોરવા આવેલો યુવક ટાયર નીચે કચડાયો, છતાં ફરી ઊભો થઈને ચોરી ગયો#Aravalli #Tractor #Theft pic.twitter.com/w3O0Ymwc0F

— Gujarat Tak (@GujaratTak) September 9, 2023

ચોરીની સમગ્ર ઘટના સીસીટીવી કેમેરામાં કેદ થઈ ગઈ હતી. જેના આધારે ટ્રેક્ટરના શોરૂમના માલિકે ચોરીની ફરિયાદ નોંધાવી હતી. જે બાદ સીસીટીવીના માધ્યમથી ચોર ટ્રેક્ટર લઈને હજીરાથી શામળાજી તરફ ગયો હતો, જે બાદ ગણતરીના કલાકોમાં જ બિનવારસી હાલતમાં ટ્રે્ક્ટર મળી આવ્યું હતું.

(ઈનપુટ: હિતેશ સુતરિયા, અરવલ્લી)