Anant-Radhika ના 3 દિવસના પ્રી-વેડિંગ ફંક્શનમાં કેટલા રૂપિયાનો ખર્ચો થયો? જાણીને ચોંકી જશો

3 દિવસની ઉજવણીમાં કેટલો થયો ખર્ચ?

પુત્રના લગ્ન પહેલા આયોજિત આ ફંક્શનમાં મુકેશ અંબાણીએ પણ શાનદાર ખર્ચ કર્યો હતો. ત્રણ દિવસની ઉજવણી પર અંદાજે 1000 કરોડ રૂપિયાનો ખર્ચ થયો હોવાનો અંદાજ છે. જોકે મુકેશ અંબાણી માટે આ રકમ બહુ મોટી નથી. બ્લૂમબર્ગના રિપોર્ટ અનુસાર, મુકેશ અંબાણીની કુલ સંપત્તિ લગભગ $113 બિલિયન છે.

350 ફ્લાઈટની જામનગરમાં થઈ અવરજવર

મુકેશ અંબાણીના નાના પુત્રના લગ્ન પહેલા પ્રી-વેડિંગ સેલિબ્રેશન શરૂ થયું ત્યારે દુનિયાના ખૂણેખૂણેથી મહેમાનોને આમંત્રણ આપવામાં આવ્યું હતું. બિઝનેસ જગતમાં ફેસબુક મેટાના માલિક માર્ક ઝકરબર્ગ હોય કે માઇક્રોસોફ્ટના સ્થાપક બિલ ગેટ્સ. જામનગરમાં માત્ર ત્રણ દિવસમાં 350 જેટલા વિમાનોની અવરજવર હોવાનું જાણવા મળ્યું છે. દેશના ઉદ્યોગપતિઓમાં અદાણીથી પીરામલ અને બિરલાથી લઈને ટાટા સુધીના દરેક મોટા ઉદ્યોગપતિ પરિવારના મહેમાનો અનંત અને રાધિકાને આશીર્વાદ આપવા આવ્યા હતા.

જામનગરમાં બોલિવૂડનો મેળાવડો

જો બોલિવૂડના ફિલ્મ સ્ટાર્સની વાત કરીએ તો ભાગ્યે જ કોઈ એવી સેલિબ્રિટી હશે જે આ ત્રણ દિવસના સેલિબ્રેશન દરમિયાન ક્યાંક જોવા ન મળી હોય. બોલીવુડના મેગાસ્ટાર અમિતાભ બચ્ચન અને સુપરસ્ટાર રજનીકાંતથી લઈને જ્હાન્વી કપૂર જેવા દિગ્ગજ અને વરિષ્ઠ કલાકારો, આ પેઢીના કલાકારો અંબાણી પરિવારના મહેમાન હતા.

અંબાણી પરિવારના આ સમારોહમાં ડઝનબંધ મહેમાનો અને તેમના સમગ્ર પરિવારોએ હાજરી આપી હતી અને એક શાનદાર વાતાવરણ સર્જ્યું હતું. સૈફ અલી ખાનનો પરિવાર હોય કે શાહરૂખ ખાનનો પરિવાર, દીપિકા-રણબીર, કેટરિના-વિકી જેવી હસ્તીઓ હોય. અંબાણી પરિવારે આ ફંકશનમાં ફિલ્મ દિગ્દર્શકોથી લઈને ગાયકો અને કલાકારો સુધીના ઘણા લોકોને આમંત્રિત કર્યા હતા, જેઓ જામનગર આવીને ઉજવણીમાં રંગ જમાવી રહ્યા હતા. આ પ્રસંગે હોલીવુડ સિંગર રેહાનાએ જબરદસ્ત પરફોર્મન્સ આપ્યું હતું. મીડિયા રિપોર્ટ્સ અનુસાર રેહાનાને લગભગ 70 કરોડ રૂપિયા ચૂકવવામાં આવ્યા હતા.

મહેમાનો માટે ખાસ ફ્લાઇટની વ્યવસ્થા

જામનગરના નાના એરપોર્ટ પર જ્યારે સિતારા આવવા લાગ્યા, જ્યાં એક સમયે એક દિવસમાં છ પ્લેન આવતા-જતા હતા, ત્યાં ત્રણ દિવસમાં સાડા ત્રણસો જેટલા પ્લેન ટેકઓફ અને લેન્ડ થયા. જેમાં દેશના વિવિધ ભાગોમાંથી આવતા મહેમાનો ઉપરાંત અંબાણીએ તેમની કંપનીના 8-10 વિમાનો અને વિદેશથી આવનારા મહેમાનો માટે એટલી જ સંખ્યામાં વિદેશી વિમાનો પણ ભાડે લીધા હતા, જેનો ઉપયોગ શટલ સેવા તરીકે કરવામાં આવી રહ્યો હતો.

મહેમાનોને અપાઈ રિટર્ન ગિફ્ટ

આ સમગ્ર ફેસ્ટિવલમાં અંબાણી પરિવાર દ્વારા ઈવેન્ટના આયોજનથી લઈને આતિથ્ય સત્કાર અને મહેમાનોને રિટર્ન ગિફ્ટ આપવા સુધીની રકમનો અંદાજ લગાવવો પણ મુશ્કેલ છે. જો કે, ચમકતા સ્ટાર્સથી ભરેલા આ ત્રણ દિવસીય ફેસ્ટિવલની એક ઘટના સોશિયલ મીડિયા પર ઘણી હેડલાઈન્સ બનાવી રહી છે.