Live અકસ્માત: આણંદમાં બાઈક ચાલકે અચાનક ટર્ન લેતા પૂરપાટ આવતી કારે ફૂટબોલની જેમ હવામાં ફંગોળ્યો

આણંદ જીલ્લાના ખંભાત પાસે બામણવા રોડ પર ઉંદેલગામના સુનિલભાઈ પ્રજાપતિ પોતાની કાર લઈને પસાર થઈ રહ્યા હતા. દરમ્યાન બામણગામનો રમણભાઈ સોલંકી રોડ પર પેટ્રોલપંપ બાજુ એકાએક ટર્ન લઈ રસ્તા વચ્ચે આવી જતા પુરઝડપે જઈ રહેલી કારની ટક્કર બાઈકને વાગતા બાઈક હવામાં ફંગોળાઈને નીચે પટકાય છે.

તો બાઈક પર સવાર સુનિલભાઈ પણ ફૂટબોલની જેમ હવામાં ફંગોળાય છે અને રોડ પર ઘણા ફૂટ સુધી ઢસડાય છે. અકસ્માત બાદ સ્થળ પર જ તેમનું મોત થઈ જાય છે. આ ઘટનાના સીસીટીવી ફૂટેજ સામે આવ્યા છે. જેમાં અકસ્માત કેવી રીતે બન્યો તે જોઈ શકાય છે. જોકે આ અંગે ખંભાત રૂરલ પોલીસ મથકે કાર ચાલક સામે ગુનો નોંધાતા પોલીસે વધુ તપાસ હાથ ધરી છે.

આણંદ જીલ્લાના ખંભાત પાસે બામણવા રોડ પર બાઈક ચાલકે અચાનક ટર્ન લેતા કારે મારી ટક્કર, બાઈક સવારનું સ્થળ પર જ મોત#Accident #GujaratiNews #Anand pic.twitter.com/frgtY6ek7x

— Gujarat Tak (@GujaratTak) August 7, 2023