અમરેલીઃ ઝાફરાબાદના દરિયામાં બોટ અને શિપ વચ્ચે અકસ્માત, 8 ખલાસીઓના જીવ બચ્યા પણ…

અન્ય બોટની મદદથી ખલાસીઓને બચાવાયા
જાફરાબાદના દરિયામાં 40 નોટિકલ માઈલ દુર એક ધનપ્રસાદ નામની બોટ 8 ખલાસીઓ સાથે જઈ રહી હતી. દરમિયાન ત્યાં શિપ જહાજ સાથે ટક્કર વાગતા આ બોટ પાણીમાં ડૂબવા લાગી હતી. જોકે શિપ જહાજની ટક્કરથી બોટને ભારે નુકસાન થયું હતું અને તે પાણીમાં ડૂબી ગઈ હતી. દરમિયાન બોટમાં સવાર 8 ખલાસીઓના જીવ પણ જોખમમાં મુકાઈ ગયા હતા. જોકે ત્યાં હાજર અન્ય એક બોટ દ્વારા તેમને બચાવી લેવામાં આવ્યા છે. આ ઘટના પછી 40 નોટિકલ માઈલ દૂર ડૂબેલી ધનપ્રસાદ બોટની શોધખોળ શરૂ કરવામાં આવી છે.

(વીથ ઈનપુટઃ હિરેન રાવિયા, અમરેલી)