અમરેલીઃ સિંગતેલનું ટેન્કર પલટ્યું, લોકો તેલની નદીમાં ન્હાઈ ગયા

છ મહિના-વર્ષનું તેલ મળી ગયું લોકોને
રાજુલા સાવરકુંડલા હાઈવે પરથી ગત મોડી રાત્રે સોમવારે એક સિંગતેલ લઈને જઈ રહેલું ટેન્કર અકસ્માતે પલટી ખાઈ ગયું હતું. ટેન્કરમાં રહેલું લાખોની કિંમતનું તેલ વહી જતા મોટું નુકસાન થવા પામ્યું હતું. જાણે કે સિંગતેલની નદી વહેતી હોય અને લોકો તેલથી નહાયા હોય તેવા ઘાટ ઘડાયા હતા. તેલની લૂંટફાટ ચલાવતા લોકોના વીડિયો અને તસવીરો સોશિયલ મીડિયા પર પણ ફરવા લાગી હતી. લોકોએ પલટી વાગેલા ટેન્કરમાંથી મળેલા આ તેલની નદી સ્વરૂપની લોટરીને ભરપૂર લૂંટી હતી. આખી આખી રાત સુધી ઘણા તો તેલ ભરી ભરીને ઘરે મોકલાવવા લાગ્યા હતા. લગભગ છથી 1 વર્ષ ચાલે એટલું તેલ મફતમાં મળી ગયું હોવાથી લોકોએ રાત્રીની ઠંડી પણ જોઈ ન હતી. કડકડતી ઠંડીમાં લોકોએ હાથમાં જે વાસણ આવ્યું તે લઈને તેલ લેવા પહોંચી ગયા હતા. આખું ટેન્કર ચોખ્ખા સિંગ તેલનું હતું અને એક જ રાતમાં તેના સુપડા સાફ થઈ ગયા હતા.

રાજુલા-સાવરકુંડલા હાઈવે પર ગત મોડી રાતે સિંગતેલ ભરેલ ટેન્કર પલટી મારતા તેલ રસ્તા પર ઢોળાઈ ગયુ હતું. જેના પગલે સ્થાનિક લોકો લોટરી લાગી હોય તેમ જે હાથમાં આવ્યું તે સાધન લઈ તેલ લેવા પડાપડી કરવા લાગ્યા હતા#Rajula #Accident pic.twitter.com/lUSSKxEBy0

— Gujarat Tak (@GujaratTak) December 13, 2022

(વીથ ઈનપુટઃ હિરેન રાવિયા, અમરેલી)