અમરેલીમાં સાંસદ નારણ કાછડિયાની મંડળીમાં કામ કરતા યુવકનો આપઘાત, ખિસ્સામાંથી મળી સુસાઈડ નોટ

ઓફિસમાં જઈને યુવકે ખાધો ફાંસો
અમરેલી કલેક્ટર કચેરીની પાછળના ભાગે સાંસદ નારણ કાછડિયાની સમૃદ્ધ નાગરિક શરાફી મંડળી આવી છે. જેમાં આશિષ બગડા નામનો યુવક નોકરી પર સવારે પહોંચ્યો હતો. બાદમાં બાજુની ફોનમાંથી આશિષને ફોન કરતા તે સ્વીચઓફ આવી રહ્યો હતો. આથી ઓફિસમાં જઈને તપાસ કરતા તે ફાંસો ખાધેલી હાલતમાં મળી આવ્યો હતો. ઘટનાની જાણ થતા અમરેલીના સાંસદ નારણ કાછડિયા તથા અમરેલી DySPનો કાફલો સ્થળ પર દોડી આવ્યો હતો.

ખિસ્સામાંથી મળી સુસાઈડ નોટ
યુવકના ખિસ્સામાંથી બે સુસાઈડ નોટ મળી આવી હતી. જેમાં લખ્યું હતું કે, ‘I Love You મમ્મી-પપ્પા. બહેન પપ્પાનું ધ્યાન રાખજે અને કોઈ તકલીફ પડવા દેતી નહીં, દીકરો બનીને સાચવજે. કાકી-માસી આયુષ, મિત, અનુજ પ્રીતિ હંમેશા તમારી સાથે જ છું. મમ્મી આઈ લવ યુ અને કદાચ જન્મ મળે તો મા આવી જ મળજો. પપ્પા આઈ મિસ યુ મને માફ કરી દેજો તમારા પર આટલુ દુઃખ હોવા છતા આ દુઃખ આપ્યું. બહેન તારો ભાઈ તારી સાથે છે અને તારા લગ્નમાં મારી હાજરી હશે, પણ શરીર નહીં હોય.’