KBC 14: ભાવનગરના યુવક માટે અમિતાભ બચ્ચને હોટ સીટ પરથી નાખ્યું લગ્નનું માગુ, જુઓ વીડિયો

KBCમાં પહોંચ્યો ભાવનગરનો યુવક
KBCના નવા પ્રોમોમાં વિમલ હોટ સીટ પર બેઠેલો છો અને પોતાના લગ્નના પ્લાનિંગ વિશે તે બિગ બી સાથે વાત કરી રહ્યો છે. તે કહે છે કે, હું ત્યારે જ લગ્ન કરીશ જ્યારે મારી કમાણી પાંચ આંકડામાં હશે. જે બાદ બિગ બીએ વિમલને સવાલ કર્યો કે તેના જીવનમાં કોઈ છોકરી છે? જેના જવાબમાં વિમલે કહ્યું, જ્યારે છોકરી હા પાડે ત્યારે હું ના પાડું છું, જ્યારે હું હા પાડું ત્યારે છોકરી ના પાડે છે.

 

View this post on Instagram

 

A post shared by Sony Entertainment Television (@sonytvofficial)

વિમલ માટે બિગ બીએ કરી મેટ્રોમોનિયલ એડ
અમિતાભ બચ્ચન આ જવાબ સાંભળીને જાતે જ વિમલ માટે ટીવી પર લગ્નનું માગુ નાખતા તેને કેવી છોકરી પસંદ છે તેમ પૂછી લે છે. જે બાદ વિમલ કહે છે, મને સરળ દેખાતી, પણ સારા ગુણો ધરાવતી છોકરી પસંદ છે.

ભાવનગરના સામાન્ય પરિવારમાંથી આવે છે વિમલ
ઉલ્લેખનીય છે કે, ભાવનગરનો વિમલ કાંબડ એક સામાન્ય પરિવારમાંથી આવે છે. તે કેબીસીની 14મી સીઝનમાં ફિંગર ફર્સ્ટમાં વિજેતા થયા બાદ હોટ સીટમાં અમિતાભ બચ્ચન સામે બેસવાની તક મળી હતી. વિમલનો એપિસોડ 15મી ઓગસ્ટથી શરૂ થશે. અને 16 તથા 17 ઓગસ્ટના રોજ તેનો હોટ સીટ પરનો એપિસોડ પ્રસારીત થશે.