અમિત શાહે રામમંદિરની તારીખ કરી જાહેર, આ દિવસે ભવ્ય રામ મંદિર બનીને તૈયાર હશે

અમિત શાહે કહ્યું કે, 1950 થી અમે કહેતા આવ્યા છીએ કે, રામ મંદિર તે જ સ્થળે બનશે અને ભવ્ય બનશે. હવે તે સાકાર થવા જઇ રહ્યું છે. આ ઉપરાંત અમે કલમ 370 અંગે પણ કહેતા હતા કે તેને અમે ખતમ કરીશું. આ કામ નરેન્દ્ર મોદીએ કરી દેખાડ્યું છે. રામ મંદિર પણ તે જ ભુમિ પર બન્યું છે જ્યાં પ્રભુ શ્રી રામનો જન્મ થયો હતો. કોંગ્રેસના લોકો અમને મ્હેણા મારતા હતા કે, મંદિર ત્યાં જ બનાવીશું પરંતુ તારીખ નહી જણાવીએ. પરંતુ તારીખ નહી હું મહિના સાથે તમને કહી રહ્યો છુ કે, જાન્યુઆરી 2024 માં ત્યાં ભવ્ય રામમંદિર બનીને તૈયાર હશે.

અમિત શાહે કહ્યું કે, ત્રિપલ તલાકની વાત કહી અને કરી બતાવ્યું. કોમન સિવિલ કોડની વાત કરી રહ્યા છીએ તો તેની શરૂઆત પણ થઇ ચુકી છે. આ ઉપરાંત અર્થતંત્રની યાદીમાં આજે 5 મા નંબર પર છીએ. જો કે અનેક એજન્સીઓએ અનુમાન લગાવ્યું છે કે, 2026 સુધીમાં ભારતનું અર્થતંત્ર વિશ્વનું ત્રીજા નંબરનું સૌથી મોટુ અર્થ તંત્ર હશે.