વરસાદનો વરતારો: નવરાત્રીની પાંચમે ગાડલી જોઈને અંબાલાલ પટેલે આ વર્ષે કરી મોટી આગાહી

ગાડલી પરથી વર્ષનો વરતારો
ચૈત્ર સુદ પાંચમના દિવસે સંધ્યા પાછી ગાડલી જોઈને આ તારણ લગાવવામાં આવે છે. જેમાં રોહિણી નક્ષત્રના ઝુમખા પરથી આ અનુમાન લગાવાય છે. આ વર્ષે રોહિણી નક્ષત્રના ઝુમખાના ઉત્તર બાજુ ચંદ્ર જોવા મળ્યો હતો. એવામાં આ વર્ષે એકંદરે સારું રહેશે તેવું અનુમાન અંબાલાલ પટેલે લગાવ્યું છે.

કેવી રીતે ગાડલી જોઈને કરાય છે વરતારો
નોંધનીય છે કે, ગાડલી ચૈત્ર સુદ પાંચમના દિવસે જોવામાં આવે છે. રોહિણી નક્ષત્ર પાંચ તારાનું સમુહ હોવાથી અને ગાડા જેવો તેનો આકાર હોવાથી તેને ગાડાલી કહેવાય છે. જેમાં આગળના 4 તારાનો ભાગ ગાડાની બેઠક અને ઉપરનો ભાગ ધોસરો ગણાય છે. જો ગાડલીથી ચંદ્રમાં આગળ હોય તો વર્ષ સારું રહે છે અને વેપારીઓને લાભ થાય છે. ધોસરોથી ઉપર ચંદ્રમાં હોય તો વેપારીઓને લાભ થાય છે. અને ગાડા વચ્ચે ચંદ્ર હોય તો દુષ્કાળ ગણવામાં આવે છે. આવી જ રીતી ગાડલીથી ઉત્તરમાં ચંદ્ર હોય તો વેપારીને સાધારણ વર્ષ જાય છે અને ચંદ્ર ગાડલીથી પછવાડે હોય તો વર્ષ સારું જાય છે.

અગાઉ હોળીની જ્વાળા પરથી કર્યો હતો વરતારો
નોંધનીય છે કે, આ વર્ષે હોળીનો વર્તારો જોઈને પણ અંબાલાલ પટેલે વર્ષ દરમિયાનના ચોમાસાની આગાહી કરી હતી. અંબાલાલ પટેલે જણાવ્યું કે, ગુજરાતનું આગામી વર્ષ તોફાની રહેશે. ગુજરાતમાં વરસાદ જેટલો જોઇએ તેટલો જ પડશે પરંતુ તે તોફાની વરસાદ હોવાના કારણે ખેડુતોને નુકસાની વેઠવાનો વારો આવશે. આ ઉપરાંત રાજનીતિ અંગે પણ તેમણે ટિપ્પણી કરતા કહ્યું કે, વાયવ્ય તરફ તોફાની જ્વાળાઓ થવાના કારણે રાજકીય રીતે પણ આગામી વર્ષ ઉથલપાથલ યુક્ત રહેશે. રાજકારણમાં મોટા ફેરફારો નહી પરંતુ સામાન્ય તણખા જરવા જેવી બાબતો આવે. સરકારને ભારે વિરોધનો સામનો કરવો પડે તેવી શક્યતા પણ તેમણે વ્યક્ત કરી હતી.