ખેલૈયાઓની આખરે જીત, અંબાજી મંદિરમાં વહીવટી તંત્રએ બદલ્યો ગરબા રમવાનો નિયમ

Ambaji Temple: શક્તિપીઠ અંબાજી મંદિરમાં ફરી એકવાર ગરબા રમવાના નિયમમાં ફેરફાર કરવામાં આવ્યો છે. નવરાત્રી એક દિવસ પહેલા જ મંદિર ટ્રસ્ટ દ્વારા નિર્ણય લેવાયો હતો કે પુરુષો અને મહિલાઓ સાથે ગરબા નહીં રમી શકે. જોકે આ નિર્ણય બાદ માઈ ભક્તોમાં ભારે નારાજગી જોવા મળતા આખરે 48 કલાકમાં જ આ નિર્ણય પાછો ખેંચવામાં આવ્યો છે અને હવે પુરુષો અને મહિલાઓ સાથે ચાચર ચોકમાં ગરબે રમી શકશે.