Ahmedabad: AMCએ લીધો મોટો નિર્ણય, રામાયણના પાત્રોના નામે ઓળખાશે અમદાવાદના આ સ્થળો

Ahmedabad News: અયોધ્યાના ભવ્ય મંદિરમાં રામલલાની પ્રાણ પ્રતિષ્ઠાને લઈને દેશભરના રામ ભક્તોમાં ગજબનો ઉત્સાહ જોવા મળી રહ્યો છે. આગામી 22મી જાન્યુઆરીના રોજ અયોધ્યામાં પ્રાણ-પ્રતિષ્ઠા મહોત્સવ યોજાવા જઈ રહ્યો છે. આ દિવસની રામભક્તો આત્તુરતાથી રાહ જોઈ રહ્યા છે. આ વચ્ચે અમદાવાદ મ્યુનિસિપલ કોર્પોરેશન દ્વારા મહત્વનો નિર્ણય લેવામાં આવ્યો છે. જે મુજબ શહેરના અનેક વિકાસલક્ષી પ્રોજેક્ટ જેવા કે તળાવ, ગાર્ડન અને બ્રિજના નામો રામયણના પાત્રોના નામ પર રાખવાનો નિર્ણય લેવાયો છે.