અમદાવાદમાં ઓપન ફાયરિંગ કરનાર શખ્સ કોણ? પૂછપરછમાં ચોંકાવનારા ખુલાસા

પ્રાપ્ત વિગતો અનુસાર, મણિનગરમાં આ શખ્સ દ્વારા એક જ્વેલર્સમાં પિસ્તોલ સાથે ઘૂસીને લૂંટ કરવાનો પ્રયાસ કર્યો હતો. જ્વેલર્સે તેનો પ્રતિકાર કર્યો હતો અને તે સાથે જ શખ્સ ત્યાંથી ભાગવાનો પ્રયાસ કરી રહ્યો હતો ત્યારે તેણે હવામાં ફાયરિંગ કર્યું હતું. ફાયરિંગને પગલે મણિનગરમાં અફરાતફરી મચી ગઈ હતી અને તેને લોકોએ ઝડપી પાડ્યો હતો. શખ્સે ઓપન ફાયરિંગ કરતા ઉચ્ચ અધિકારીઓમાં પણ દોડધામ મચી ગઈ હતી.

ખેડૂતોને ગાંધીનગર પહોંચતા અટકાવવા પોલીસના ધમ પછાડાઃ મહેસાણામાં રેલી અટકાવી સમજાવટ પણ…

પોલીસની પુછપરછમાં ચોંકાવનારા ખુલાસા, આર્મીની નોકરી છતા લૂંટ કેમ?

લોકોએ શખ્સને ઝડપી પાડીને પોલીસને સોંપ્યો હતો. પોલીસે પુછપરછ કરતા જાણકારી મળી કે શખ્સ મણિનગરના વૃંદાવન જ્વેલર્સમાં ઘૂસ્યો હતો. ત્યાં તેણે બંદૂક બતાવી લૂંટ કરવાનો ઈરાદો હતો. જોકે જ્વેલર્સના માલિકે તેનો પ્રતિકાર કર્યો હતો અને તે ત્યાંથી રિવોલ્વર સાથે ભાગ્યો હતો. તેની પાછળ ટોળુ પડ્યું હતું જેને કારણે તેણે ગભરાઈને ભાગવામાં સફળતા મેળવવા હવામાં એક રાઉન્ડ ફાયરિંગ કર્યું હતું. જોકે લોકો છતા પણ તેનો પીછો કરતા હતા. તેણે કહ્યું કે તેનું નામ લોકેન્દ્ર શેખાવત છે અને તે મૂળ રાજસ્થાનના જયપુરનો રહેવાસી હતો. તે છેલ્લા પાંચ વર્ષથી ભારતીય લશ્કરમાં ફરજ બજાવે છે. તેનું પોસ્ટીંગ જમ્મુ કશ્મીરમાં કરવામાં આવ્યું છે. જોકે તેને ઘણું દેવુ થઈ ગયું હતું. દેવામાંથી છૂટવાનો તેને કોઈ રસ્તો મળી રહ્યો ન્હોતો. તેણે આ મામલે લૂંટ કરવાનું નક્કી કર્યું અને તે ગત સાંજે જયપુરથી અમદાવાદ ટ્રેનમાં બેસીને આવ્યો હતો. તેણે ખોખરા વિસ્તારમાં એક હોટલ રાખી અને ત્યાં રોકાયો હતો. દિવસ ભર અમદાવાદમાં ફર્યા પછી તેણે સાંજે લૂંટ કરવાનો પ્રયાસ કર્યો છે. આ બંદૂક તેને અગાઉ એક ઝઘડા દરમિયાન નીચે પડી ગઈ હતી ત્યારે મળી હોવાનું તે કહે છે.

અમદાવાદમાં ઓપન ફાયરિંગઃ લોકોનું ટોળું ગોળીબાર કરનાર શખ્સને પકડવા દોડ્યુંઃ VIDEO

પોલીસે શખ્સની ધરપકડ કરીને તેની પાસેથી રિવોલ્વર, ત્રણ કારતૂસ પણ જપ્ત કર્યા છે. પોલીસે ધરપકડ સાથે તેને કોર્ટમાં રજૂ કરીને રિમાન્ડ માગવાની તજવીજ શરૂ કરી છે. આર્મસ એક્ટ સહિતની કલમો હેઠળ તેની સામે ગુનો નોંધાયો છે. મામલાને લઈને પોલીસે વધુ તપાસ આરંભી છે.