Ahmedabadમાં ચેઈન સ્નેચરો બન્યા બેફામ, સરનામું પૂછવાના બહાને વૃદ્ધાના ગળામાંથી ચેઈન ખેંચીને લૂંટારુઓ રફુચક્કર

Ahmedabad News: અમદાવાદ (Ahmedabad) શહેરમાં કાયદો અને વ્યવસ્થાની સ્થિતિ બેફામ પણે કથળી રહી છે. લોકોમાં પોલીસ (Police)નો હવે ડર રહ્યો નથી. ચોરી અને લૂંટ સહિત હત્યાના બનાવો પણ વધી રહ્યાં છે. તો શહેરમાં ચેઈન સ્નેચિંગની ઘટનાઓમાં પણ સતત વધારો થઈ રહ્યો છે. ત્યારે અમદાવાદ શહેરમાં વધુ એક ચેઈન સ્નેચિંગની ઘટના સામે આવી છે. જોકે, સ્નેચરો આ વખતે અલગ જ મોડસ ઓપરેન્ડી વાપરીને વૃદ્ધાના ગળામાંથી સોનાનો ચેઈન ખેંચીને પલાયન થઈ ગયા હતા. હાલ આ મામલે ખોખરા પોલીસની ટીમે તપાસ હાથ ધરી છે.